Jueces 5:9 - La'aqtaqa Ñim Lo'onatac 'Enauacna 2013

⁹ Qaq da iquiyaqteỹaxac hueta'aguet na lataxala'pi na Israel le'ecpi, qataq nam shiỹaxauapi maye maiche ihuo' le'ecpi, maye lhuotta co'ollaq qaiỹaxana da nalat. ¡Sho'oxorenaq Ñim Nataxala'!

Jueces 5:9 Referans Kwoze

Jueces 5:2

«Qavio'oxoyiñi Ñim Nataxala', cha'aye na Israel ñaq huo'o nam ỹalleppi maye lhuotta da deloqui, cha'aye ne'ena nhuo' le'ecpi ñaq huo'o nam ỹalleppi maye lhuotta da ỹasat da qaiỹaxaasop da alaataxac.

2 Corintios 9:5

Qaq ỹoqo'oye ỹaỹamaqchiguiñi ñaqa'en da sama'q soua qarqaỹa't da hua'auyiñi da qami' nqo'onalo da yaqto' soomaye ishet da qami' itaua'n da qalapoñiỹa't aca qarachetaqtaxanaqche maye maiche qauachaxañiỹapec co'ollaxa. Huaña, nache qami' qauachaxañi da ỹataqta qanasapacheetelec da qauo'ocheetac damaye, qataq huetaigui da qarsoxoyiqui qataq saishet da choche qami' qaỹamaqtaleguete.

2 Corintios 8:17

Cha'aye somaye ỹalaxaguet dam ỹa'aqtac maye sami', qataq somaye ye nache 'eetai' da huo'o da lyaxa da qoñiita, qaq nagui maiche chegoqchigui da lquiyaqteỹaxac da qami' nqo'onalo.

2 Corintios 8:12

Cha'aye ca shiỹaxaua da ỹoqta 'eesa da lhuennataxa da huo'o ca ỹan, qalaq Ñim Lo'onatac 'Enauacna ỹataqta ỹaỹamaxareeta cam nalotaua'a da ỹan camaye. Cha'aye Ñimaye saishet da iỹaxanaique cam saishet da qanaloua'a.

1 Crónicas 29:9

Nache se'eso shiỹaxauapi, ỹataqta machiguiñi souaxat da maiche chegoqchigui da ỹanot Ñim Nataxala' se'eso lachetaqtaxanaxatpi, qataq nataqa'en so nta'a David, ỹataqta machiguiñi.

2 Crónicas 17:16

qataq nnaictague' somaye so Amasías, som llalec so Zicri, som maiche chegoqchigui co'ollaxa da ỹasat da do'onataxanot Ñim Nataxala', qaq somaye nache nnaictague' so doscientos mil 'añaxaicpi alleppi.

Nehemías 11:2

Qaq se'eso maiche nhuo' le'ecpi, talec naqa'en da no'on la'aqtac som shiỹaxauapi maye maiche chegoqchigui da nache naña ye Jerusalén.

2 Crónicas 31:8

Qaq so Ezequías qataq so nataxala'pi maye ltauapi, co'ollaq ivi' nache ilalec so nogoxoshetpi maye qalapootacpi, nache ỹanot da na'achecỹaxac Ñim Nataxala', qataq talec naqa'en da no'on la'aqtac so nhuo' Israel le'ecpi.

Salmos 103:2

Ỹataqta semato'ot da ñachaalataxac da sho'oxoren Ñim Nataxala', qataq saishet da secoua'ai ca 'oonolec na ltaunaxanaxacpi Ñimaye.

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.