Jueces 5:30 - La'aqtaqa Ñim Lo'onatac 'Enauacna 2013

³⁰ ‹Souaxai' ncolaxattapigui ca lhuotaxanaxatpi maye laueguec huaigui se'eso alaataxac. Nache ñi 'oonolec cam alaataxaicpi ỹacona aca 'oonole huo'otaq dos ca qa'ampi maye nlatapi, qaq ca Sísara qalaq souaxai' taỹot cam no'on da lo'oxoỹaxa'c npotoyec: qataq 'oonolec huo'otaq dos caua no'oxonqa maye ỹotta'a't da lo'oxoỹaxac, da yaqto' llo'oxoraxat na lqosot ca huegaxanaxaic.›

Jueces 5:30 Referans Kwoze

Éxodo 15:9

So depa'aguenataxan, qalaq 'eeta' da lhuennataxa: ‹Aỹem secaalec qome somayepi, sevira'a da sevi', ime, qaq ñaloqnec qome ca iuotaxanaxat, ivitta'a da ỹataqta samachiguiñi. Ñeqatsheguem qome na ỹainec nache na ihuaq nlaxaañi somayepi›.

Salmos 45:14

Qataq na no'on llo'oxoraxat naua alogo da qaỹauegueua'a ñi nta'a, nache ca'attaueegue na qa'ampi maye nauochaxauapi anamaye.

Da na'aqtaguec so Job 20:5

cha'aye da lamaicỹaxac na 'etaxaloxoic saqaỹauec, qataq da ntonaxac na qauemaic pasa'a da imeuo.

2 Samuel 13:18

Nache so namaxashec ỹo'orauec co'ollaxa aso Tamar, ime nache ỹapochigui so lasom. Qaq aso Tamar ỹaatañi co'ollaxa aso ỹataqta 'onaxai lapoto, logorai naua lapique, cha'aye nache no'otaxac co'ollaxa ana llalpi na nta'a da ñaq saxanaxa da huaron.

Génesis 37:3

Qaq so Israel ỹataqta ỹactec da lauotaxat so José, saq 'ena'ama soua lỹa't llalqa, cha'aye somaye ñiguiñi co'ollaq mashe ỹa'axaiquiolec so Israel. Qaq ỹoqo'oye somaye ỹauo'o so ỹataqta ỹotta'a't da lo'oxoỹaxac lapo' so José.

Jueces 5:19

Huaña nache so nta'alpi anac da naỹa ye Tanac, naỹa ye huaqta'ai' ye 'etaxat ye Meguido, qaq so nta'alpi cananeopi qalaq anac da deloqui, qalaxaye sa ỹañoxot da ỹache ana anom plata huo'otaq da nsallaxa.

Jueces 5:29

Nache so sa nqalat 'alpi ỹasateguet asomaye, qaq nataqa'en asomaye ñe'eguelaxattasheguem da na'aqtac, 'eeta':

Salmos 68:12

«Mashe datauec so nta'alpi qataq so nalleppi.» Qaq ne'ena 'alpi maye hueta'a ne'ena nỹecpi, nache ỹanec na nhuotaxanaxat maye chegaqaigui ne'ena pa'aguenaxauapi.

Proverbios 16:19

Ỹataqta ỹactec da 'onaxaic da sa na'amaqten ca ỹale, da ỹalectaigui na choxoraqpi, qaq saq 'ena'am da qanhuanaua'a na lhuotaxanaxatpi na na'amqaanaxaicpi.

Éxodo 27:16

Qaq ca ñegueuo que'eca lpaqtaxat ca nqasoxoc que'eca npe'l, qalaq ivi' qome nueve metros ca locta ca napoxonaxat hualoq laỹe imalaqalec, tocalec, qataq ca togaxaraic da lo'oxoỹaxac, qataq ca ỹataqta no'on lino, qataq qantetta ca llo'oxoraxatpi, qataq cuatro caua lauoqtel, qataq caua na'attaleguete caamaye.

Isaías 9:2

Nam shiỹaxauapi maye huetaigui co'ollaxa na napalaxa, ila'a so lta'araic ne'eraxa, qaq se'eso ne'eraxa, icoỹarelec co'ollaxa nam huetaigui na napalaxa.