Jueces 5:3 - La'aqtaqa Ñim Lo'onatac 'Enauacna 2013

³ ¡Ñaq aỹem qana'axaỹaxañiỹa, qami' nta'alpi! ¡Ñaq aỹem qaua'aqaiỹa qami' nataxala'pi! ¡Aỹem so'onaxan, so'on da le'enaxat Ñim Nataxala'! ¡Aỹem sevicnaxaalec Ñim Nataxala' maye Natamnaxala' na Israel le'ecpi!

Jueces 5:3 Referans Kwoze

Salmos 119:46

Qataq sa'axatem qome naua 'aramaxasoxonaxaco na nta'alpi, qaq saishet qome da ña'aloxootac,

Esdras 7:21

Qaq aỹem nta'a Artajerjes, samaxalec 'enauac na netaña ye 'alhua maye pa'aỹa'ague da avit so tala Éufrates maye ilotague' aca anom, da saỹaỹaloxon da ỹami' da huo'o aca iỹaxanaique, nam ntaxaỹaxanaxanec qataq napaxaguenataxanaq Esdras, maye ỹaỹate'n naua lleco naua lqataxaco Ñim Lo'onatac 'Enauacna maye ilotague' na piguem.

1 Reyes 19:14

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi, ỹauota'a so ỹeelonec. Qaq nachaỹemta da ño'onañi, qalaq aỹem qanmittaique da huotaique aỹem qaỹalauat nataqa'en.»

1 Reyes 19:10

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi ỹauota'a so ỹeelonec. Qaq nachaỹemta ño'onañi da ñeca'altauec, qalaq aỹem qanmittaique da huotaique da aỹem qaỹalauat nataqa'en.»

1 Reyes 18:22

Qaq so Elías nache queto'ot da detaqtac, 'eeta': Qaq aỹem, qalaq nachaỹemta ño'onañi da aỹem la'aqtaxanaxanec Ñim Nataxala', qaq som Baal, qalaq cuatrocientos cincuenta na la'aqtaxanaxanecpi.

Jueces 5:7

Qaq nam lauoreuapi nma'piolec na Israel, qalaq mashe ỹataqta qaỹalata'a'tpi. Qaq ỹoqo'oye huaña nache aỹem ñachaañi, ¡aỹem Débora, maye aỹem late'e na Israel le'ecpi!

Deuteronómio 32:3

Aỹem sa'axattac qome da le'enaxat Ñim Nataxala': ¡qauauattoñiita qome da la'amaqchec Ñim Qanatamnaxala'!

Deuteronómio 32:1

'Am piguem, ña 'ana'axaỹaxaañi, cha'aye setaqa, 'am 'alhua, ñaq 'ana'axaỹaxanalo naua ỹa'aqtaqa.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Éxodo 31:6

Qataq sauo'o ltaua ñi Aholiab, ñim llalec so Ajisamac, maye chegoxoguet so Dan. Qataq 'enauac ca laỹepi ỹaanaxanaxaicpi sami' da nquiguec da laỹaanec, yaqto' ỹo'ot 'enauac ca 'am samaxalecpi da 'auo'ot:

Génesis 9:9

«Ñaq qauloichigui, Aỹem llapaxañi da ñaỹamaxataxac da qami' ñaỹamaxatto, qataq cam qaỹa'alquipi qome,

Génesis 6:17

Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.

Salmos 27:6

Nache ñapacalec naqa'en na ñepa'aguenaxauapi, maye aỹem coleesop, huaña nache savigaxat aca ỹachetaqtaxanaqte da huaigui añi atamnaxaqui, souaxat da ñetonaxac qataq so'onaxan da so'on ca ỹo'onec da sanot Ñim Nataxala'.

Salmos 61:8

Yaqto' nache 'eetai' qome da so'ootac na no'onec, da sho'oxoren da 'are'enaxat, qataq sepacteleguete naua ỹa'aqtaqa maye san' 'enauaque naua na'axa'te.

Salmos 146:2

Imauec qome da ñachaalataxac da sho'oxoreetac Ñim Nataxala', so'oxonaxaato'ot Ñim Ñatamnaxala' qom ñaq ñeca'altauec.