Jueces 5:24 - La'aqtaqa Ñim Lo'onatac 'Enauacna 2013

²⁴ ¡Ỹataqta ỹo'oxoraq aso Yael da ỹalectaigui so laỹepi 'alpi, asom lhua so Jéber maye queniita! ¡Ỹataqta ỹo'oxoraq da ỹalectaigui so 'alpi maye netaña se'eso npe'lpi!

Jueces 5:24 Referans Kwoze

Lucas 1:42

ime, nache asomaye ỹataqta nlamaxaren da 'enapega aso María, 'eeta': –Ñim Lo'onatac 'Enauacna ỹactec da 'am ỹanem lqouagaxanaqtaic, qaq saishet da qoneta'am na laỹepi 'alpi. Nataqa'en na 'aỹa'alec qome ỹanem da lqouagaxanaqtaic.

Lucas 1:28

Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.

Jueces 4:17

Nache so Sísara co'ollaq petañi da datauec, nache ivitta'a so lpe'l aso Yael, asom lhua so Jéber, som queniita, qaq cha'aye so Jabín, som nta'a ye Jazor, somaye nhuoteete' so lalamaxat lauo' le'ecpi so Jéber.

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Proverbios 31:31

¡Qaq acamaye qaỹo'oxoren qome da qaỹalectaigui na ỹotta'a't shiỹaxauapi! ¡Qataq qaỹa'axatec 'enauac na no'on ỹo'otpi!

Jueces 4:19

nache so Sísara dequiguiỹaique 'etaxat, cha'aye ỹataqta ỹaguec na laquip. Nache aso Yael ỹauangui aso lo'oc maye laỹe' na quetaq lche', nache nỹomaxangui, ime nache qaltaq ỹapolec somaye.

Jueces 5:25

Co'ollaq iỹaxanaique 'etaxat so Sísara, nache aso Yael ỹanem co'ollaxa so quetaq lche'. ¡Qataq ỹanem so isaxa't quetaq lche', ỹachangui aso nỹomaxaqui na 'amaqtaqaic!