Jueces 5:23 - La'aqtaqa Ñim Lo'onatac 'Enauacna 2013

²³ Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.

Jueces 5:23 Referans Kwoze

2 Corintios 6:1

Cha'aye qomi' ltau' Ñim Lo'onatac 'Enauacna de'era lo'onataxanaxac. Qaq ỹoqo'oye qami' ñachoxorenaqtoiguilo da saishet qome da saqca ca naigui qanqa'eñi da lqouagaxanaqtaic maye qami' ỹachaxanalo Ñimaye.

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

Romanos 15:18

Cha'aye 'eesa, da nachaqrata da sa'axattac dam ỹo'ot So Cristo ỹachegoxotchigui aỹem, da yaqto' nam saishet da judiopi ỹalaxaguet Ñim Lo'onatac 'Enauacna. Qaq damaye sañoxot, qaq saishet da sañoxot damaye da chegoqchiguilo naua ỹa'aqtaqa, maye nataqa'en nam so'otpi.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Jeremías 48:10

¡Ỹataqta qauem qome ca talec cam saishet da nasapattelec da ỹo'ot dam no'onataxanaxac maye damaxasoxoolec Ñim Nataxala'! ¡Ỹataqta qauem qome ca talec cam sa nashen da ỹalegueua'a da nalaataxanaxac!

Nehemías 3:5

qaq de'era taỹa'ague se'eso npaqtaxanaxat nache no'oxoosheguem so lma' ye Tecoa, qalaxaye so shiỹaxauapi 'amaqtaqaicpi maye lma' yemaye, saishet co'ollaxa da itauan so ilotague' de'era no'onataxanaxac.

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

1 Samuel 25:28

Qataq 'am ñachoxonnot da choche 'auchoxoren qome ana'ana 'aramaxashe da huo'o ca ỹasouaxat. Qaq ỹoqta 'eesa ñaqa'en da Ñim Nataxala' 'am ỹanem qome, qataq ca 'aỹa'alaqpi da ilo'ogue na Israel le'ecpi, cha'aye nachaqrata naxa da 'am ỹamaq Ñim Nataxala' nache 'auloqui. Qaq ỹoqo'oye 'enauaque qome naua na'axa'te da 'anachaalataxac da saishet da talec ca qauem.

1 Samuel 18:17

Qaq huo'o so na'a'q nache so Saúl 'enapega so David, 'eeta': «'Am sanem qome da 'auauo'o 'arhua añi Merab maye ỹe ỹale, qalaxaye iuen da ỹataqta 'ana'añaxat qome da aỹem 'auo'onataxanot, qataq da 'auloclec Ñim Nataxala'.» Cha'aye so Saúl lhuennataxaco' da saishet da nacheso somaye da ỹalauat, maye huotaique da ỹaneguet na filisteopi da ỹalauat somaye.

1 Samuel 17:47

Qaq 'enauac ne'ena lapoota'a'tpi maye hueta'a ne'ena, ỹaỹaten qome da Ñim Nataxala' saishet da iuen ca ỹeelonec huo'otaq aca taquiaxai da deca'alaqtaxan. Cha'aye de'era alaataxac maiche lalamaxat Ñim Nataxala', qaq nacheñi ñi qomi' ỹanema qome da qoñeeta da qami' qoroxonqa.

Jueces 13:3

Qalaxaye so nale piguem le'ec Ñim Nataxala', nachaxana co'ollaxa asomaye, nache 'enapego', 'eeta': 'Am sa ỹauanega da huo'o ca 'aỹa'alaqpi, qalaxaye nagui 'am hualaxai, nache huo'o qome ca 'aỹa'alec.

Jueces 6:11

Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.

Jueces 4:6

Qaq huo'o so na'a'q, nache aso Débora damaxasoxona so ỹale le'enaxat Barac, so llalec so Abinoán maye netaña co'ollaxa ye Cedes, ye lma' so maiche nhuo' le'ecpi maye chegoxoguetpi so Neftalí, nache 'enapega, 'eeta': «Ñim Nataxala', maye Natamnaxala' na Israel le'ecpi, 'am 'enapega, 'eeta': 'Anqo'ona qome añi qasoxonaxa Tabor, nache 'alaỹona't ca diez mil ỹalleppi ye maiche nhuo' le'ecpi maye chegoxoguetpi so Neftalí qataq so Zabulón.

Jueces 2:1

So nale piguem le'ec Ñim Nataxala', chegoqchiguiña ye Gilgal da taỹa ye Boquín, nache 'enapega so Israel le'ecpi, 'eeta': «Aỹem qami' ñeqateeguesopa co'ollaxa ye Egipto, nache qami' ñauegalo ne'ena 'alhuapi maye sachaxanapecot co'ollaxa som qarta'ailpi co'ollaq san so ỹa'aqtac, sheeta': ‹Aỹem saishet qome da sa sepaguelec da ñaỹamaxataxac da qoñiita,

Jueces 5:13

Huaña nache huenotec so Israel le'ecpi, da yaqto' delogui' so 'amaqtaqaicpi, qataq huenotec na nalleppi Ñim Nataxala' souaxat aỹem, da yaqto' delogui' so alaataxaicpi shiỹaxauapi.

Jueces 21:5

Huaña nache nnara't, 'eeta': Da shenaqta ¿negue't co'ollaxa ca sa ỹalegueua'a se'eso qaraponaxac maye huaña ye Mispá?, qaq cha'aye somayepi ỹo'ot co'ollaxa so ỹan la'aqtac da ỹalauat cam sa ỹalegueua'a se'eso naponaxac.

Jueces 8:5

nache so Gedeón co'ollaq ivita ye Sucot, nache 'enapega som shiỹaxauapi maye lma' yemaye, 'eeta': «Ñaq aỹem qanqouaquiic da qaỹa'añim ca nallec na ñenaictague'pi da yaqto' deque'e, cha'aye namayepi ỹataqta sa nasamñi. Cha'aye qomi' secanaqta'ape caua Zebaj qataq Zalmuná, maye lta'al na madianiitapi.»

Jueces 8:6

Qalaxaye so lataxala'pi so lma' ye Sucot, 'enapeco': ¡'Ena'amctoxo' da mashe 'auacheyiñi caua Zebaj qataq ca Salmuná, da yaqto' sequia'axanaq na 'analleppi!

Jueces 8:8

Qaq nache chegoqchiguiña yemaye da nqo'ona ye Peniel, huaña nache 'eeta'am da la'aqtac co'ollaq iỹaxanot na lma' ye Sucot. Qalaxaye so lma' ye Peniel nataqa'en 'eeta'am da la'aqtac co'ollaxa so lma' ye Sucot.

Jueces 21:8

Nache nnattega't, 'eeta': ¿Qaq ne'ena maiche nhuo' Israel le'ecpi peta'a huo'o ca sa ỹalegueua'a co'ollaxa se'eso qaraponaxac da ñenataxai' Ñim Nataxala' maye huaña ye Mispá? Qaq huaña nache somayepi ntoonec da ye Jabés maye huaigui ye Galaad qaica co'ollaxa ca ỹalegueua'a se'eso lta'araic naỹonaxac,

Salmos 94:16

Qaq ¿negue't ca nachaañi co'ollaxa da aỹem iueelec da nqanaxat na 'etaxaloxoicpi? Qataq ¿negue'tom ca huetaua'a na ỹaỹe da aỹem itauan da nqanaxat na qauemaicpi?