Jueces 5:22 - La'aqtaqa Ñim Lo'onatac 'Enauacna 2013

²² ¡Ỹataqta ala'm naua nna'ache so caipi! ¡Ỹataqta nỹateetagui so qayaqaicpi caipi!

Jueces 5:22 Referans Kwoze

Miqueas 4:13

¡'Am Sión, qoñisheguem qome, nache 'alaxachigui namayepi! Cha'aye da la'aqtac Ñim Nataxala', 'eeta': «Aỹem, 'am sanem qome da 'ara'añaxac maye 'eeta'am da la'añaxac ca huaca, maye lca'ache naua lcoue qataq bronce naua nna'ache, da yaqto' 'aulaxachigui na qalota shiỹaxauapi, qataq 'auotaxanec da lsallaxa maye ỹachegoxotaigui da lcachaxac, nache aỹem 'aỹa'anot, aỹem Nataxala', maye ỹalamaqte 'enauac ana 'alhua».

Jeremías 47:4

Cha'aye ivita ca na'a'q da qailaxachigui na filisteopi, qataq da qaỹacona da ntaunaguec maye ñaqauo'o yem Tiro qataq ye Sidón.» Aja', Ñim Nataxala' ilaxachigui qome na filisteopi qataq nam netalec añi ỹaqa'ata 'alhua maye le'enaxat Creta.

Isaías 5:28

Aca lchecnapi qalaq ỹataqta ỹaxaraipi, qaq ca lchecnecpi qalaq ỹataqta ichegaxattelec. Aca naro'opi ca lalopi caipi qalaq 'eeta'am na coma', qaq naua lasaxanna acam laigonapi qalaq 'eeta'am ana daua'ache,

Salmos 33:17

Na caipi qalaq nataqa'en saishet da huo'o ca nca'alaxatec, na'aictaxa da ỹataqta 'añaxaicpi, qalaxaye saishet da huo'o ca nca'alaxatec.

Salmos 20:7

Huo'o na pe'etega ana nnotaxaqui maye nalaataxaqui, qataq huo'o na pe'etega na lalo caipi, qomi' qalaxaye sepia'aqtega Ñim Nataxala' maye Qanatamnaxala'.

Da na'aqtaguec so Job 39:19

¿Qalqo' nache 'am peta'a da 'aỹa'anem da la'añaxac na caaỹo, qataq 'auo'ot peta'a na logoraic lana'q laue da yaqto' llo'oxoraxat?

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Jeremías 47:3

Qaq qom hua'axaỹa da nỹaanaxac na caipi, qataq da l-llimiaxa ana naigonapi, qataq da l-lamaxa ana lasaxannapi, nache na nta'alpi qaica qome ca la'añaxac, nache ỹalat na llalaqpi.

Ezequiel 27:14

Qaq ye Bet Togarmá da 'am isheeten naxa nache deshetenaxana na caipi maye no'onataxanaxala', qataq na notaxala'pi qataq na molapi.