Jueces 5:20 - La'aqtaqa Ñim Lo'onatac 'Enauacna 2013

²⁰ Cha'aye anac aso huaqaañipi, chegoqtot na piguem da delogui' so Sísara,

Jueces 5:20 Referans Kwoze

Josué 10:11

Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.

1 Samuel 7:10

Qaq so Samuel co'ollaq ñaq ỹavigaxattac aso lachetaqtaxanaqte, nache som filisteopi nqo'ona da iloquiaxan so Israel le'ecpi, nache Ñim Nataxala' ỹauo'o so lta'araic nllimiaxa ỹaneguet somayepi, nache ñi'i naqa'en, qaq 'era da 'eetec so Israel le'ecpi da loxonec somayepi.

Jueces 4:15

nache Ñim Nataxala' ỹo'ot da sa ntouen so nalleppi so Sísara, qataq som netanguipi aso nalaataxaqui laigonapi lcat, co'ollaq mashe nayeeta'a da delogui' so Barac, nache so Sísara huenoteeguesop aso laigona, nache piỹañi da datauec.

Josué 10:12

Qaq co'ollaq mashe ime da Ñim Nataxala' ỹaneguet da lhuaqỹaxac so Israel le'ecpi se'eso amorreopi, nache so Josué 'enapega Ñim Nataxala', hua'aqchigui naqa'en so nhuo' le'ecpi, 'eeta': «'Am nala', 'avi'iiguet qom huaña ye Gabaón. 'Am ca'agoxoic, 'avi'iiguet qom huaña ye ca'amegue ye Ayalón.»

Jueces 5:21

nache so ỹataqta chaxaguet la'auaxac som togoshaapec la'auaxac Cisón, ỹa'auatec naqa'en somaye qataq so nalleppi. ¡'Am, qalaq 'aupataxa't ana lqoichiqui so 'añaxaicpi!

Josué 10:10

Qaq Ñim Nataxala' ỹanem se'eso nta'alpi da ỹataqta ñi'iỹa naqa'en so Israel le'ecpi, qaq ỹoqo'oye so Josué ỹataqta qalota so ỹalauat huaña ye Gabaón, qataq icaatac co'ollaxa so laỹepi huaña so nqa'aic ye Bet Jorón, nache queto'ot da ỹalauattac so amorreopi, nache iviraxatta'a ye Azecá qataq ye Maceda.

2 Samuel 18:8

Qaq se'eso alaataxac imattalec co'ollaxa se'eso 'alhua, qataq qalota so ileu, que'emaxam so aviaq, qaq saq 'amaqtaq so ilem so ỹeelonec.