Jueces 5:19 - La'aqtaqa Ñim Lo'onatac 'Enauacna 2013

¹⁹ Huaña nache so nta'alpi anac da naỹa ye Tanac, naỹa ye huaqta'ai' ye 'etaxat ye Meguido, qaq so nta'alpi cananeopi qalaq anac da deloqui, qalaxaye sa ỹañoxot da ỹache ana anom plata huo'otaq da nsallaxa.

Jueces 5:19 Referans Kwoze

Jueces 5:30

‹Souaxai' ncolaxattapigui ca lhuotaxanaxatpi maye laueguec huaigui se'eso alaataxac. Nache ñi 'oonolec cam alaataxaicpi ỹacona aca 'oonole huo'otaq dos ca qa'ampi maye nlatapi, qaq ca Sísara qalaq souaxai' taỹot cam no'on da lo'oxoỹaxa'c npotoyec: qataq 'oonolec huo'otaq dos caua no'oxonqa maye ỹotta'a't da lo'oxoỹaxac, da yaqto' llo'oxoraxat na lqosot ca huegaxanaxaic.›

Jueces 1:27

So maiche nhuo' le'ecpi maye chegoxoguetpi so Manasés, qalaq sa ỹañoxot co'ollaxa da ỹo'orauec so netalec ye Bet Seán, Tanac, Dor, Ibleam qataq ye Meguido, qataq som lauoreuapi nma'piolec, qaq so Canaán le'ecpi nache netalec se'esoua nma'ate.

1 Reyes 4:12

qaq so Baná, som llalec so Ajilud, ilotague' ye Tanac, Meguido, qataq 'enauac ye Bet Seán maye saqaỹapeque ye Saretán ye npa'aỹañi ye Jezrel, chegoqchiguiña ye Bet Seán nache ivitta'a ye Abel Meholá yem pa'aicra'a ye Jocmeán,

Apocalipsis 19:19

Ime, nache sela'a so shiguiỹac leguemaxaic qataq na nta'alpi ana 'alhua nnaictague' na nalleppi. Qaq somayepi lapona't, da yaqto' delogui' som netalec so caaỹo lapagaxaic qataq so nalleppi.

Salmos 44:12

Qataq saqaỹaua'a da 'aumen na 'aralamaxat nhuo' le'ecpi, qataq qaca aca 'araueque da 'aumen namayepi.

Jueces 4:13

nache somaye laỹona't aso novecientos laigonapi lcat alaataxaqui, qataq so nalleppi, nache nnaicapegue' so nalleppi da chegoqchiguiña ye Jaroset Goyín da nqo'ona so la'auaxac Cisón.

Génesis 14:22

Qalaxaye so Abram 'enapeco': «Aỹem sanot co'ollaxa so ỹa'aqtac Ñim Nataxala', Ñim Lo'onatac 'Enauacna maye Nataỹaña 'enauacna, ñim ỹo'ot co'ollaxa na piguem qataq ana 'alhua,

Génesis 4:16

Nache so Caín jec da ca'ai yem huaña da na'aqtaxaatague' Ñim Nataxala', nache nqo'ona da nalec ye 'alhua maye le'enaxat Nod, maye pa'aỹa'ague da nala' lliguisheguem ye Edén.

Apocalipsis 16:16

Nache se'esoua saq cha'alo na'añaxaco maye qauemaiqa lapona't na nta'alpi, huaña naqa'en ye 'alhua maye na hebreo la'aqtaqa le'enaxat Armagedón.

2 Reyes 23:29

Qaq se'esoua na'axa'te, som faraón Necao, maye nta'a ye Egipto, taỹa co'ollaxa so tala Éufrates da itauan so nta'a ye Asiria. Qaq so nta'a Josías, ca'ateguet co'ollaxa somaye da iloquiaxan, qalaxaye so Necao dataỹa'aguet somaye huaña ye Meguido, nache ỹalauat.

2 Crónicas 35:22

Qalaxaye so Josías saishet co'ollaxa da ỹe'eguelaq, nacherata da ipactague' da delogui' somaye, nache saishet da qocha'a da lvitaqtaxanaxac so Necao maye ỹachegoxoto'ot Ñim Lo'onatac 'Enauacna. Qaq ỹoqo'oye taỹa co'ollaxa so ca'amegue ye Meguido da delogui' somaye,

Josué 12:21

qataq so nta'a ye Tanac, qataq so nta'a ye Meguido,

Josué 17:11

Nache som chegoxoguetpi so Manasés nataqa'en huo'o co'ollaxa so taỹot huaqta'a't nỹecpi maye huaigui ye na'alhua som chegoxoguetpi so Isacar, qataq som huaqta'a't nỹecpi maye huaigui ye na'alhua som chegoxoguetpi so Aser, nache lỹaueegue' so lauoreuapi nma'piolec: ye Bet Seán, Ibleam, Dor, Endor, Taanac, qataq Meguido qataq soua tres lcomaraxalate.