Jueces 5:16 - La'aqtaqa Ñim Lo'onatac 'Enauacna 2013

¹⁶ ¿Qalaq ta'ainco' da huetaigui aso lalo qaguetapi nache choche na'axaỹaxaatega da lỹaxanaxac som qagueta lo'opi? ¡Qataq som nalleppi so Rubén huo'o so 'amaqtaqaicpi shiỹaxauapi maye 'iỹaqaic da lquiyaqteỹaxac!

Jueces 5:16 Referans Kwoze

Números 32:24

Qauo'oche qome que'eca huaqta'a't nỹecpi da yaqto' lma' na maiche qoyalquipi, qataq qanpaxachiiua'a ana qareloi qaguetapi, qalaxaye qaupaquiichigui qome da qara'aqtaqui.

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

Filipenses 2:21

Cha'aye 'enauac nam laỹepi ime'eguet da ỹo'ottac nam maiche lalamaxatpi, qaq de'era saishet da nachera da laỹamaxannatac So Jesucristo.

Salmos 77:6

qataq tachigui naxa ye iuel da so'onaxaatac ye pe, nache seuennataxaatapeguelec de'era, nache ñenattapeguela't, sheeta':

Salmos 4:4

Da qaualematai qalaq saishet da qauauo'oi ca qarasouaxashichi, qaq qom qannañiitalec ca qarmala'ai ye pe nache qavi'imaqaitac, da qauennataxañiilec cam qarhuennataxaqui.

Jueces 5:15

Nataqa'en nnaicapegue' aso Débora so lataxala'pi na chegoxoguetpi so Isacar; qataq somayepi huenotec co'ollaxa da yaqto' itauan so Barac huaña ye ca'amegue. Qalaxaye so chegoxoguetpi so Rubén huo'o som 'amaqtaqaicpi ỹalleppi maye nasatta da lquiyaqteỹaxac.

Génesis 49:14

Qaq da Isacar qalaq 'eeta'am qome ca shiguiỹac notaxala' maye nmataqa' ca lquia'aqa'.

Salmos 68:13

Nam 'eeta'am ana laua na qoto' maye qalapaxalec na lcat plata, qataq na laue qalapaxalec na no'on lcat oro. Qalaxaye da qoñiita huo'o na no'onaigui na 'atetpi.

Números 32:6

Qalaxaye so Moisés 'enapeco': ¡Na qarqaỹaipi jec da nalat! Qaq qami', ¿peta'a qauauoitaique da nache qoñiỹaña ne'ena 'alhua?