Jueces 5:15 - La'aqtaqa Ñim Lo'onatac 'Enauacna 2013

¹⁵ Nataqa'en nnaicapegue' aso Débora so lataxala'pi na chegoxoguetpi so Isacar; qataq somayepi huenotec co'ollaxa da yaqto' itauan so Barac huaña ye ca'amegue. Qalaxaye so chegoxoguetpi so Rubén huo'o som 'amaqtaqaicpi ỹalleppi maye nasatta da lquiyaqteỹaxac.

Jueces 5:15 Referans Kwoze

Jueces 4:14

Huaña nache aso Débora 'enapego' so Barac, 'eeta': «¡Ñaq qoñisheguem, cha'aye nagui Ñim Nataxala', 'am ỹanem da 'oxonec ñi Sísara! Cha'aye Ñim Nataxala' mashe hua'auta'ague da taỹa'ague na 'analleppi.» Nache so Barac huenoteeguesop añi qasoxonaxa Tabor, lỹatac so diez mil nalleppi,

2 Corintios 11:2

Cha'aye aỹem huo'o da 'eco' ica'alaxanaxac da qoñiita. Qalaxaye de'era ica'alaxanaxac, damaye chegoqtot Ñim Lo'onatac 'Enauacna. Cha'aye aỹem sauotaique da qami' saronaxanaxanegueta So Cristo, qataq sauotaique da qami' sachaxaneua'alo Somaye, da 'eeta'am ñaqa'en aca qa'añole maye saxanaxa da huaron, da huaroneguet ca 'oonolec ỹale.

Hechos 20:13

Qaq qomi' nache qaltaq ñeqotaqaua'a aso notaxaqui maye quiguingui na 'etaxat da sa'auaqta'a ye Asón. Qaq huaña yemaye, nache seuataqa'aguet so Pablo, cha'aye nache qarhuennataxac, cha'aye so Pablo nataqa'en maiche lhuennataxac da petañi.

Hechos 15:39

Nache nqallegottrapigui somaye, choche ivitta'a da nỹoteca'ache soomaye da llecỹaxa'c. Nache so Bernabé ỹauec so Marcos huenotreua'a aso notaxaqui maye quiguingui na 'etaxat, da taita añi ỹaqa'ata 'alhuole le'enaxat da Chipre.

Proverbios 22:13

Ca hualaic da nshetaique da sa do'onataxan, nache 'eeta': «Huo'o ñi llon netangui na nqa'aic ishet qome da aỹem ỹalauat.»

1 Crónicas 12:32

Qaq so nhuo' le'ecpi maye chegoxoguetpi so Isacar, ivi' doscientos so nataxala'pi maye ỹaỹateeta'aguelo naua na'axa'te, qataq ỹaỹateeta'a nam taỹa'a da ỹo'ot so Israel le'ecpi, qaq som lauo' le'ecpi ỹo'ottac nam damaxasoxoolecpi somayepi.

Jueces 4:10

Huaña yemaye da so Barac laỹona't na maiche nhuo' le'ecpi maye chegoxoguetpi so Zabulón qataq so Neftalí, nache ivi' diez mil so ỹalleppi som ca'ategue somaye. Qaq aso Débora, nache nnaictague' somaye.

Jueces 4:6

Qaq huo'o so na'a'q, nache aso Débora damaxasoxona so ỹale le'enaxat Barac, so llalec so Abinoán maye netaña co'ollaxa ye Cedes, ye lma' so maiche nhuo' le'ecpi maye chegoxoguetpi so Neftalí, nache 'enapega, 'eeta': «Ñim Nataxala', maye Natamnaxala' na Israel le'ecpi, 'am 'enapega, 'eeta': 'Anqo'ona qome añi qasoxonaxa Tabor, nache 'alaỹona't ca diez mil ỹalleppi ye maiche nhuo' le'ecpi maye chegoxoguetpi so Neftalí qataq so Zabulón.

Jueces 5:16

¿Qalaq ta'ainco' da huetaigui aso lalo qaguetapi nache choche na'axaỹaxaatega da lỹaxanaxac som qagueta lo'opi? ¡Qataq som nalleppi so Rubén huo'o so 'amaqtaqaicpi shiỹaxauapi maye 'iỹaqaic da lquiyaqteỹaxac!

Génesis 35:23

Qaq soua llalqa aso Lea, le'enaxat da Rubén so la'auaxanec, qataq jec so Simeón, Leví, Judá, Isacar qataq so Zabulón.