Jueces 5:14 - La'aqtaqa Ñim Lo'onatac 'Enauacna 2013

¹⁴ Qaq so chegoxoguetpi so Efraín, anaỹa co'ollaxa ye lma' na amaleciitapi, qataq nca'atalec somayepi som nalleppi so Benjamín. Qaq som chegoxoguetpi so Maquir qalaq huenotec som lataxala'pi, qataq som chegoxoguetpi so Zabulón nataqa'en anac so lataxala'pi.

Jueces 5:14 Referans Kwoze

Jueces 12:15

Qaq co'ollaq ileu somaye, nache qailareña ye Piratón maye hualec aye qasoxonaxapi ye Amalec maye huaigui ye na'alhua so Efraín.

Jueces 3:27

Qaq co'ollaq ivita ye 'alhuapi maye huaña ana qasoxonaxapi ye Efraín, nache somaye ỹashiiyigui aso lasheere peenaq lcoue, da yaqto' laỹona't so Israel le'ecpi, nache namayepi huenoteeguesop añi qasoxonaxa da yaqto' datalec so Aod.

Jueces 3:13

Qaq ỹoqo'oye so Eglón, naỹamaxate' co'ollaxa so 'amoniitapi qataq so 'amalequitapi da yaqto' huaxaiguet, nache jec da iloquiaxan so Israel le'ecpi, nache deuotaxanec so huaqta'a't nỹecpi maye le'enaxat Chaisat.

Jueces 4:14

Huaña nache aso Débora 'enapego' so Barac, 'eeta': «¡Ñaq qoñisheguem, cha'aye nagui Ñim Nataxala', 'am ỹanem da 'oxonec ñi Sísara! Cha'aye Ñim Nataxala' mashe hua'auta'ague da taỹa'ague na 'analleppi.» Nache so Barac huenoteeguesop añi qasoxonaxa Tabor, lỹatac so diez mil nalleppi,

Jueces 4:10

Huaña yemaye da so Barac laỹona't na maiche nhuo' le'ecpi maye chegoxoguetpi so Zabulón qataq so Neftalí, nache ivi' diez mil so ỹalleppi som ca'ategue somaye. Qaq aso Débora, nache nnaictague' somaye.

Jueces 5:13

Huaña nache huenotec so Israel le'ecpi, da yaqto' delogui' so 'amaqtaqaicpi, qataq huenotec na nalleppi Ñim Nataxala' souaxat aỹem, da yaqto' delogui' so alaataxaicpi shiỹaxauapi.

Salmos 68:27

Qaq somayepi datataueegue so chegoxoguetpi so Benjamín, qataq so qalota lataxala'pi ye Judá, Zabulón, qataq ye Neftalí.

Oseas 5:8

¡Ña qauashiiyigui ana nasheere qom huaña ye Guibeá! ¡Qataq ana nasheerepi qom huaña ye Ramá! ¡Qataq qauauoi ca qara'alaxaqui maye la'anaxat ca alaataxac qom huaña ye Bet Avén! ¡Yaqto' ỹe'elaq nam chegoxoguetpi so Benjamin!

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Génesis 35:23

Qaq soua llalqa aso Lea, le'enaxat da Rubén so la'auaxanec, qataq jec so Simeón, Leví, Judá, Isacar qataq so Zabulón.

Génesis 35:24

Qaq soua llalqa aso Raquel: José qataq so Benjamín.