Jueces 5:13 - La'aqtaqa Ñim Lo'onatac 'Enauacna 2013

¹³ Huaña nache huenotec so Israel le'ecpi, da yaqto' delogui' so 'amaqtaqaicpi, qataq huenotec na nalleppi Ñim Nataxala' souaxat aỹem, da yaqto' delogui' so alaataxaicpi shiỹaxauapi.

Jueces 5:13 Referans Kwoze

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Romanos 8:37

Qaq na'aictaxa da souaqtangui 'enauac na sa ỹaỹamaxañisat, qalaxaye ỹataqta saỹatenaqta da So Jesucristo som qomi' lauotaqa'ate, Somaye qomi' ỹanema da sauegaxanaq.

Ezequiel 17:24

Qaq huaña qome nache 'enauac ana qo'oipaqpi maye netalec na no'onaxa, ỹaỹaten da nachaỹem Nataxala'. Qaq Aỹem sa'axasoxooñi aca qo'oipaq maye ño'oxonnaxai, qataq ishet da ñaxat ñaqa'en acatai' qapiole qo'oipaq. Qataq deqaqa ñaqa'en aca qo'oipaq maye nsalatec, qataq ishet da nsalatec ñaqa'en aca qo'oipaq deqaqta. Qaq 'era da ỹa'aqtac Aỹem Nataxala', qaq damaye sepacchigui qome.»

Salmos 75:7

cha'aye Ñim Lo'onatac 'Enauacna nacheñi ñi nmit 'enauacna, nache ishet da huo'o ca huetaiya' naqa'en, qataq ishet da huo'o ca nauaxaỹaxaasheguem.

Salmos 49:14

'Eeta'am ana qagueta namayepi da qaỹauecta'a añi huachiqui, qaq de'era nleuaxa nache ỹauecta'a añimaye, huaña nache nlaguiñi da lo'ocỹaxac da huetangui añimaye, nache qaỹoqtalo naua 'onaxaiqa lma'ate lta'al, qaq na no'on da lataxac nache ilo'ogue namayepi da ñaq nte'eta.

Jueces 5:12

¡Ña 'anachaañi Débora, ña 'anachaañi, 'anachaañi, nache 'auo'on ca 'aro'onec! ¡Qaq 'am Barac, maye 'am llalec so Abinoán, 'anachaañi, nache 'auauec na 'oxonecpi!

Jueces 5:14

Qaq so chegoxoguetpi so Efraín, anaỹa co'ollaxa ye lma' na amaleciitapi, qataq nca'atalec somayepi som nalleppi so Benjamín. Qaq som chegoxoguetpi so Maquir qalaq huenotec som lataxala'pi, qataq som chegoxoguetpi so Zabulón nataqa'en anac so lataxala'pi.

Jueces 5:23

Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.