Jueces 5:12 - La'aqtaqa Ñim Lo'onatac 'Enauacna 2013

¹² ¡Ña 'anachaañi Débora, ña 'anachaañi, 'anachaañi, nache 'auo'on ca 'aro'onec! ¡Qaq 'am Barac, maye 'am llalec so Abinoán, 'anachaañi, nache 'auauec na 'oxonecpi!

Jueces 5:12 Referans Kwoze

Efesios 4:8

Cha'aye naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Somaye co'ollaq taigue da piguem, nache qalota so ỹauec lcoñeteguishecpi. Ime, nache ỹanem na lachetaqtaxanaxatpi na shiỹaxauapi.»

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.

Salmos 57:8

Ñaq 'anlouec 'am saqcha'a ica'alaxa, ñaq qanloiuec qami' nviquepi arpa qataq salterio, cha'aye mashe ñelouec nagui da nvi' na dalaxaic na'a'q.

2 Timoteo 2:26

yaqto' ntouen, qataq ila'a da lqoinaxanaxac so pa'aguenataxanaxaic, nache ishet da dataueeguesop. Cha'aye nagui so pa'aguenataxanaxaic lcoñeteguishec namayepi qaltaq maiche ỹoiqueetac namayepi.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

Jeremías 31:26

Qaq huaña, nache ñelouec, qataq sauacheguelo naua ỹa'ai'te, nache ỹataqta saỹamaxareeta so ichoxonaxac.

Isaías 60:1

'Am Jerusalén, ña qoñesheguem nache 'am 'eroigui, cha'aye mashe nvi' na 'arcoỹaraxanaxat, qaq da llo'oxoyec Ñim Nataxala' 'eroigui da 'am icoỹattalec.

Isaías 51:17

Ñaq 'anlouec, ñaq 'anlouec 'am Jerusalén, ña qoñesheguem. 'Am 'anque'etaxangui co'ollaxa da nnogoxonaxac Ñim Nataxala', qoneta'am ca nỹomgui aca ỹomaxaqui nache ivitta'a da qui'itchigui naqa'en, nache ivitta'a da ỹataqta da taxaic.

Isaías 51:9

Ñaq 'anlouec, ñaq 'anlouec, 'am lhuaq Ñim Nataxala', ñaq 'auauo'o da 'ara'añaxac. Ñaq 'anlouec 'eeta'am 'anqa'en som hua'au, som na'a'q maye mashe qaỹoqtegue. 'Am 'aucolaxattac co'ollaxa so Rajab som shiguiỹac maye 'etaxat le'ec,

Isaías 33:1

¡Choxoraxaso' 'am maye 'anhuottac na shiỹaxauapi, qalaq ỹauana da 'am qanhuo', qataq 'auque'elaqtaxan naxa qalaq ỹauana da 'am qaique'elaxat! Cha'aye qom 'aumat da 'anlaxaañi namayepi, nache 'am qanlaxaañi qome, qataq qom ime da 'arque'elaqtaxanaxac, nache nataqa'en 'am qaique'elaxat qome.

Isaías 14:2

Nache qalota qome cam ỹotta'a't shiỹaxauapi cam ỹaconeguet qome na Israel le'ecpi, nache nnaicapegue' camayepi nache iviraxatta'a ye maiche na'alhua, nache na Israel le'ecpi ỹauo'o l-latacpi camayepi qom huaña ye na'alhua Ñim Nataxala'. Qataq na Israel le'ecpi icoñi' qome nam hua'auñi da icoñettai' co'ollaxa namayepi, qataq maiche ỹoiqueetac nam saiyacnapec co'ollaxa namayepi.

Salmos 108:2

Ñaq 'anlouec qome 'am nvique arpa qataq lira, aỹem, ñelouec qome na dalaxaic ye na'a'q.

Jueces 5:13

Huaña nache huenotec so Israel le'ecpi, da yaqto' delogui' so 'amaqtaqaicpi, qataq huenotec na nalleppi Ñim Nataxala' souaxat aỹem, da yaqto' delogui' so alaataxaicpi shiỹaxauapi.

Salmos 57:9

Nache so'on da ỹo'onec da 'am sho'oxoren 'Am Nataxala', da sootangui na ỹotta'a't shiỹaxauapi maye netaleguete naua 'aleu'.