Jueces 5:11 - La'aqtaqa Ñim Lo'onatac 'Enauacna 2013

¹¹ ¡Qana'axanñic da qarvilỹaxaqui, yaqto' hua'aqa nam pa'aỹauec maye hueta'a ana llimiaxañipi da nỹomaxaatac na na'atetpi, qaua'aqtaxañim da 'eetec da loxonaxanaxac Ñim Nataxala', qataq da loxonaxanaxac na alaataxaicpi Israel le'ecpi! Qaq na alleppi maye lalamaxat Ñim Nataxala' namayepi taỹaua'a ñi lasom na huaqta'a't nỹecpi.

Jueces 5:11 Referans Kwoze

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

1 Samuel 12:7

Qaq nagui aỹem qana'axaỹaxañiỹa qome, aỹem qanachaachiua'a da yaqto' qami' sataỹa'agueta da qami' seuennataxanaxaneque 'enauac nam qalota maye qami' ỹo'oteque co'ollaxa Ñim Nataxala', qataq som hua'au qarta'ailpi.

Jueces 5:8

Qaq na Israel le'ecpi lca'aua'a co'ollaxa so dalaxaicpi natamnaxala'pi, nache so loquiaxac nviraua'a nam lasompi na huaqta'a't nỹecpi, qalaxaye qaica ca 'oonolec so cuarenta mil nalleppi da hueto'ot acam lpaqtaxanaqte qataq lataquiaxai.

Lamentaciones 5:9

Sanaxaguet da lchec da qanachaalataxac da yaqto' sanataxa ca qonoq, na'aictaxa da coleetega't na alaataxaicpi ye toolec 'alhua.

Lamentaciones 5:4

Na 'etaxat maye ñeỹomaqtapigui qalaq sesheenaxanaqta'a, qataq na 'epaq nataqa'en sesheenaxanaqta'a.

Jeremías 7:2

«Qonaña qome ye ñegueuo añi atamnaxaqui maye lalamaqte Ñim Nataxala', qaq nache huaña yemaye da 'aua'axat de'era na'aqtac, qoneta': 'Enauac qami' maye qoviita'a na Judá maye qananaiteua'a naxa ne'ena lasom da qavio'oxoyeñi Ñim Nataxala', ñaq qana'axaỹaxañiỹa dam la'aqtac

Isaías 28:6

qaq ỹanem qome da nalochiguiñi da lo'onataxanaxac ca nmit na nasouaxashetpi, qataq ỹanem da la'añaxac cam alleppi maye npaxaalec ye huaqta'a't nỹecpi.

Isaías 12:3

Nataqa'en qami' ishet da qauamaichiguiñi qome da qanỹomiigui acam laỹe' da nca'alaxa,

Da na'aqtaguec so Job 29:7

qataq co'ollaq ñeso'ootaña naxa ye huaña da qoỹan da nqataxac, qataq da ñeso'ootaña ye naponqa' maye huaigui na huaqta'a't nỹecpi.

Deuteronómio 22:24

nache caamaye qaỹaueguereuga ca ñegueuo ca huaqta'a't nỹecpi da yaqto' qairota'a ca coma' da qaỹasa'q da qaỹalaua't. Cha'aye aca qa'añole huasoilec da saishet da na'alaxañi co'ollaxa da yaqto' ishet da qaitauan da huetaña ca huaqta'a't nỹecpi, qaq ca ỹale qalaq huasoilec da ỹe'en aca qa'añole maye mashe lalamaqte ca lỹa ỹale. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

Salmos 145:7

Nataqa'en ỹa'axatec qome da qalochiguiñi 'arsoxoyec, qataq do'onaxaatalec da no'on 'arataxac.

Génesis 24:11

nache nmataxaarec soua cameello, huaña som pa'auec so huaqta'a't nỹecpi, maye saqaỹapeque aso nshere maye huo'o na le'ec 'etaxat. Qaq nacheso som laloqo', da som qa'ampiolec taxaama aso ñi'illoxoqui da ilaique 'etaxat.

Génesis 29:2

Qaq co'ollaq ivita so no'onaxa, nache ila'a aso nshere, qaq som saqaỹapeque asomaye nache hueta'a aso qaguetapi maye tres soua laponaqa'ate, cha'aye so shiguiỹacpi nache nỹomtapigui naxa asomaye. Qaq na alap asa'aso nshere huo'o so lapoxot coma' lta'araic.

Génesis 29:3

Qaq aso qaguetapi naxa da 'enauac da laỹona't da hua'a yemaye, nache som ilotague'pi aso qaguetapi, nqaañi se'eso coma' da yaqto' nỹomaxan aso qaguetapi, qaq naxa da ime nache qaltaq ỹapogongui aso nshere.

Deuteronómio 33:21

Qataq lca'ateua'a ca no'on da ỹauo'o lalamaxat, cha'aye qaiqataxanai' da qaỹauo'o lalamaxat na ỹo'otegue na lataxacpi. Qataq nachena na lataxala' na nhuo' le'ecpi, nache ipactelec da ỹo'ot da lamaxasoxonaxac Ñim Nataxala', qataq da ỹaỹamaqchiguiñi lataxac na Israel le'ecpi.»

Jueces 11:40

Qaq ỹoqo'oye so Israel le'ecpi nache chegoqta'a co'ollaxa de'era, da queto'ot da ỹo'ottac ye 'oonolec vi'i na qa'ampi da iviraxattrec naua cuatro na'axa'te da nỹeeteguelec aso llale so Jefté.

Salmos 71:15

qaq 'enauac qome ye na'a'q da 'am sa'axattac, da nache 'am da qomi' 'anca'alaxatrec, qataq qomi' 'anema da ỹaỹamaqchiguiñi lataxac. Qaq na'aictoxo' da sa sevi' da saỹaten ca lcata damaye.