Jueces 5:1 - La'aqtaqa Ñim Lo'onatac 'Enauacna 2013

¹ Qaq se'eso na'a'q, aso Débora qataq so Barac, som llalec so Abinoán, do'onaxa'n co'ollaxa, 'eetra':

Jueces 5:1 Referans Kwoze

Éxodo 15:1

Nache so Moisés qataq so Israel le'ecpi, ỹo'on so no'onec da yaqto' qaỹo'oxoren Ñim Nataxala', 'eeta': «Aỹem so'onaxan, sho'oxoren Ñim Nataxala', cha'aye huo'o da llo'oxoyec souaxat da dauegaxan, cha'aye iyiiñi naqa'en so caipi qataq som netalecpi, huangui naqa'en aso auaxai.

Salmos 18:1

'Am Nataxala', aỹem ỹataqta 'am sauotec, cha'aye nache 'am ỹa'añaxac.

Lucas 1:46

Nache aso María 'enapeco': «¡Aỹem sanot da ña'achecỹaxac Ñim Lo'onatac 'Enauacna, ỹataqta semato'ot da iquiyaqteỹaxac,

Isaías 26:1

Qaq que'eca na'a'q qom huaña ye 'alhua Judá nache qaỹo'on dam no'onec, maye 'eeta': «Qomi' huo'o na qaralamaxat huaqta'a't nỹecpi maye ỹataqta qaramta, 'eeta'am ca npaqtaxanaxat maye huo'o ca pa'aỹauec lpaqtaxat maye ỹataqta sa nsattec, Ñim Nataxala' nauaxaỹaxaasheguem co'ollaxa da yaqto' qomi' nca'alaxatrec.

Isaías 25:1

'Am Nataxala', maye 'am Ñatamnaxala'; aỹem so'ot da 'ara'amaqchec qataq sho'oxoren da 'are'enaxat, cha'aye 'auo'ot co'ollaxa na ỹo'ot da na'aalaxa, qataq naua togosha'ape 'arqataxaco sa nqui'c qataq 'eesora.

Da na'aqtaguec so Job 38:7

Qataq co'ollaq do'onaxaatagui ana huaqaañipi yo'oxoñi lalaqtepi, qataq ỹalecteguet da ntonaxac na ỹamaxashec piguem le'ecpi?

2 Crónicas 20:27

Qaq ime co'ollaxa nache 'enauac so shiỹaxauapi maye lma' ye Judá, qataq ye Jerusalén, datalec so Josafat da ỹe'eguelaxa ye Jerusalén, qaq ỹataqta ỹa'amaqchiguiñi cha'aye Ñim Nataxala' ỹanem somayepi da ntonaxac, souaxat da huesoueeguesop so npa'aguenaxauapi.

2 Crónicas 20:21

Qaq so Josafat co'ollaq ime da nnate' so shiỹaxauapi, nache ỹauo'o so 'onaxanaxaicpi, qataq ỹauo'o so logoxot maye sa qaishetapec maye huo'o na llo'oxoraxatpi, da yaqto' hua'auta'ague da taỹa'ague so alleppi da ỹo'oxoreetac Ñim Nataxala', da ỹo'ootac so no'onec maye 'eeta': «Qaỹa'añiỹot da qana'achecỹaxaqui Ñim Nataxala', cha'aye da lauotaxanaqtaic chochaq tatec.»

1 Samuel 2:1

Qaq aso Ana ỹo'on da lo'onec maye, 'eeta': «'Am Nataxala', ỹataqta machiguiñi 'anqa'en da iquiyaqteỹaxac, cha'aye aỹem 'aỹa'anem da dalaxaic ỹa'añaxac. Qaq nagui aỹem ishet da sapogui na alap nam aỹem ipa'agueetacpi, cha'aye aỹem 'autauan. ¡Qaq aỹem ỹataqta samachiguiñi!

Números 21:17

Qaq nache huaña co'ollaxa yemaye da do'onaxan so Israel le'ecpi, 'eeta': «¡'Am nshere, ña npaxaasheguem 'anqa'en ca 'etaxat! ¡Qaq qomi', 'am so'onaxanaqtalec qome!

Éxodo 15:21

Nache aso María do'onaxan, 'eeta': «Qauo'onaxañi, qavio'oxoyiñi Ñim Nataxala', Ñim ỹo'oxoraic maye dauegaxan, Ñim iyiiñi naqa'en aso naigonapi qataq so caipi qataq som netalecpi somayepi».

Jueces 4:24

Ỹoqo'oye da la'añaxac so Israel le'ecpi da dataỹa'aguet so Jabín ỹataqta nquictauec, nache ivitta'a da ilaxachigui somaye.

Da na'aqtaguec so Job 36:24

Qataq 'auennata'a qome da 'avio'oxoreetac na lo'onatacpi Ñimaye, cha'aye 'enauac na shiỹaxauapi ỹo'oxoreetac namayepi.

Salmos 32:7

Qaq 'am nache 'am ỹe'eguenaxala', qataq aỹem 'ampaxattalec souaxat na lcheeguesat, qataq aỹem coleesop 'anqa'en da no'onaxanaxac maye naigui da aỹem huesochiguiñi.

Jueces 4:4

Qaq se'eso na'a'q so Israel le'ecpi huetoigui co'ollaxa da lataxalate aso na'aqtaxanaxana le'enaxat Débora, asom lhua so Lapidot.

2 Samuel 22:1

So David ỹo'ot co'ollaxa so lo'onec da ỹo'oxoren Ñim Nataxala', co'ollaq ime da Ñimaye nca'alaxateeguesop somaye, so mpa'aguenaxauapi qataq so Saúl.