Jueces 4:6 - La'aqtaqa Ñim Lo'onatac 'Enauacna 2013

⁶ Qaq huo'o so na'a'q, nache aso Débora damaxasoxona so ỹale le'enaxat Barac, so llalec so Abinoán maye netaña co'ollaxa ye Cedes, ye lma' so maiche nhuo' le'ecpi maye chegoxoguetpi so Neftalí, nache 'enapega, 'eeta': «Ñim Nataxala', maye Natamnaxala' na Israel le'ecpi, 'am 'enapega, 'eeta': 'Anqo'ona qome añi qasoxonaxa Tabor, nache 'alaỹona't ca diez mil ỹalleppi ye maiche nhuo' le'ecpi maye chegoxoguetpi so Neftalí qataq so Zabulón.

Jueces 4:6 Referans Kwoze

Hebreos 11:32

Qaq ¿negue't ca lỹa ishet da qami' sa'aqtaxanema? Cha'aye mashe qaica ca iraqa' da qami' sa'axatema da lpi'iỹaxac Ñim Lo'onatac 'Enauacna so Gedeón, Barac, Sansón, Jefté, David, Samuel, qataq so laỹepi la'aqtaxanaxanecpi Ñimaye.

Hechos 13:47

Cha'aye nachera da qomi' ỹamaxaleguete Ñim Lo'onatac 'Enauacna, 'eeta': 'Am sanagui da 'am lcoỹaraqte na ỹotta'a't shiỹaxauapi, yaqto' 'am 'aua'axat da nca'alaxa, choche ivitta'a ca ỹataqta pa'atec ana 'alhua.

Jueces 8:18

Ime, nache inat so Zebaj qataq so Salmuná, 'eeta': ¿Chaq 'eetec ca lasheguiỹaxac som ỹalleppi maye qaualauache co'ollaq huaña añi qasoxonaxa Tabor? Nache soomaye 'eetra': «Qomye 'eeta'ama da 'arashiguiỹaxac. Qataq ñi 'oonolec somayepi qalaq 'eeta'am cam llalec ca nta'a.»

Josué 19:37

Cedes, Edrey, Enjazor,

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Jeremías 46:18

Qaq Aỹem maye Aỹem Nta'a, da ỹe'enaxat, 'eeta': Nataxala' maye Qaica ca Ỹaqalanapec, san da ỹa'aqtac maye, 'eeta': 'Eeta'am añi qasoxonaxa Tabor da saishet da 'ena'am ana laỹepi qasoxonaxapi qataq añi qasoxonaxa Carmelo maye netaua'a na laỹe aso auaxai, qaq nache 'eetec qome da anac na pa'aguenaxauapi.

Salmos 89:12

Nataqa'en 'aro'onatac da sheu' qataq da la'añaxa. Qaq añi qasoxonaxa Tabor qataq añi Hermón, ỹataqta machiyiñi qome da ỹo'ootrac da 'are'enaxat.

Salmos 7:6

¡Ña 'anachaañi, 'Am Nataxala', ña 'aualemata, nache 'auataỹa'aguet da lalemataic na ñepa'aguenaxauapi! ¡Ñaq 'anlouec 'Am Ñatamnaxala', nache 'auo'ot ca ỹaỹamaqchiguiñi lataxac!

1 Samuel 10:3

Qaq qom qaltaq qojec, nache da mashe 'avita ara qo'oipaq encina maye naña ye Tabor, nache qaltaq 'anateetegueta caua tres ỹale't maye tairasheguema ye Betel da yaqto' ỹo'oxore'n Ñim Lo'onatac 'Enauacna. Qaq ca 'oonolec caamaye ỹacheta'ape caua tres quetaq, qaq ca lỹa ỹacheta'ape caua tres nauole 'ayiiña, qaq ca lỹa qalaq ỹachetac aca lo'oc huetagui ca lataxa.

Jueces 5:1

Qaq se'eso na'a'q, aso Débora qataq so Barac, som llalec so Abinoán, do'onaxa'n co'ollaxa, 'eetra':

Jueces 4:10

Huaña yemaye da so Barac laỹona't na maiche nhuo' le'ecpi maye chegoxoguetpi so Zabulón qataq so Neftalí, nache ivi' diez mil so ỹalleppi som ca'ategue somaye. Qaq aso Débora, nache nnaictague' somaye.

Josué 21:32

Qaq so maiche nhuo' le'ecpi maye chegoxoguetpi so Neftalí, nataqa'en ỹaarec soua tres som huaqta'a't nỹecpi, qataq lỹaueegue' so no'onaxapi maye lquia'aqa' na 'atetpi, yem: Cedes, maye huaigui ye 'alhua Galilea, da yaqto' qaỹauo'o lle'eguenaqa' da huo'o ca ilamaxata'a da ỹalauat ca lỹa, qataq ye Jamot Dor qataq ye Cartán,

Josué 19:32

Qaq so lỹa 'alhua maye qanallichigui co'ollaxa, nache taalec so llalaqpi so maiche nhuo' le'ecpi maye chegoxoguetpi so Neftalí.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Josué 19:22

Qaq naua loga'te, nache ivira'a añi qasoxonaxa Tabor, qataq ye Sajazimá qataq ye Bet Semes, nache loga't so tala Jordán. Nache da ima'a't se'eso huaqta'a't nỹecpi nache ivi' dieciséis, qataq lỹaueegue' so lauoreuapi nma'piolec.

Jueces 6:35

Qaq nataqa'en ỹauo'o so lamaxashecpi da yaqto' iỹaxana so maiche nhuo' le'ecpi maye chegoxoguetpi so Manasés, da yaqto' huaxaiguetpi somaye. Qataq damaxasoxona nataqa'en som chegoxoguetpi so Aser, Zabulón qataq so Neftalí, da yaqto' nataqa'en huaxaiguet somaye.

1 Samuel 12:11

Nache Ñim Nataxala' qaltaq ỹama'q co'ollaxa soua Yerubaal, Barac, Jefté, qataq aỹem Samuel da yaqto' qami' isoueeguesopa da la'añaxac so qampa'aguenaxauaipi, qaq huaña nache qami' ishet da qaltaq qavi'imaqaitac na qoviita'a.

Josué 19:35

Qaq so huaqta'a't nỹecpi maye sa nsattec so lpaqtaxatpi maye taỹot co'ollaxa somayepi, nache le'enaxat: Sidín, Ser, Jamat, Racat, Quinéret,

Salmos 89:13

Na 'arhuaq ỹataqta huo'o da la'añaxac, ỹataqta huo'o da la'añaxac na 'oiguishec 'arhuaq qataq qaramta.