Jueces 4:23 - La'aqtaqa Ñim Lo'onatac 'Enauacna 2013

²³ Qaq 'era da 'eetec se'eso na'a'q da Ñim Lo'onatac 'Enauacna ỹauaachigui naqa'en so Israel le'ecpi da qaica ca la'añaxac naqa'en so Jabín, maye lta'a so Canaán le'ecpi.

Jueces 4:23 Referans Kwoze

Salmos 18:47

Ñim Lo'onatac 'Enauacna nacheñi ñi aỹem iueelec co'ollaxa, qataq hueto'ot naqa'en aỹem na shiỹaxauapi.

Nehemías 9:24

Qaq so llalaqpi somayepi huenoxoneua'a co'ollaxa se'eso 'alhua, ime nache nalec da yaqto' ỹauo'o lalamaxat. Qataq ỹauaachigui 'anqa'en co'ollaq 'oxonec so Canaán le'ecpi qataq so lta'alpi qataq so shiỹaxauapi maye netalec se'eso 'alhua, da yaqto' maiche ỹoiqueetac ca ỹataxaateuga somayepi.

Hebreos 11:33

Somayepi huo'o da lpi'iỹaxac Ñim Lo'onatac 'Enauacna, ỹoqo'oye loxonec so laỹepi 'alhua; qataq dam ỹo'ot ỹataqta ỹaỹamaqchiguiñi, ỹoqo'oye ỹaconeguet dam ỹachaxanapec Ñim Lo'onatac 'Enauacna. Qataq somayepi ỹapogui na alap nam shiguiỹacpi maye dequi'iỹapec,

1 Corintios 15:28

Qaq qom mashe 'enauac da qaipataxalec 'enauacna so Ñalec, nache Somaye maiche nañanot da 'enec Ñim Lo'onatac 'Enauacna. Nache huaña nache Ñim Lo'onatac 'Enauacna imata'a't da ilo'ogue 'enauacna, cha'aye Ñimaye nacheñi ñi chegoqchigui da ỹami' 'enauac da 'enec So Cristo da ilo'ogue 'enauacna.

Salmos 81:14

nache sasaỹaloxon taxa da selaxachigui ne'ena mpa'aguenaxauapi, qataq sauo'o da nhuaxanaguec nam ipa'agueetacpi namayepi!

Salmos 47:3

Ñimaye qomi' ỹanema da seloxogue na ỹotta'a't shiỹaxauapi, qataq da qomi' datato'oto na nhuo' le'ecpi.

Salmos 18:39

'Am aỹem 'aỹa'anem co'ollaxa da ỹa'añaxac da seloqui qataq 'auo'otec da aỹem ỹa'aroto naua l-llecte na 'etaxaloxoicpi,

1 Crónicas 22:18

«Ñim Nataxala' maye Qanatamnaxala'ai qami' hueta'agueta, nache qami' ỹanema co'ollaxa da nlagaxayec 'enauac nam qoviita'alo, qataq aỹem ỹanem da selo'ogue 'enauac nam netalec ne'ena 'alhua, qaq namayepi nache huetalec da lamaxasoxonaxac Ñimaye qataq nam lalamaxat nhuo' le'ecpi.

Jueces 4:22

Qaq so Barac co'ollaq ivireuo da nmittaique so Sísara, nache aso Yael ca'atta'aguet somaye, nache 'enapega, 'eeta': 'Aỹala, ñaq 'am sachaxana yem 'anmittaique. Nache so Barac co'ollaq inoxonoigui so npe'l, nache ilalec so Sísara da huetaiya', mashe ileu, qataq aso npe'l lashe, nache ỹa'attagui na lqaic somaye.

Jueces 4:24

Ỹoqo'oye da la'añaxac so Israel le'ecpi da dataỹa'aguet so Jabín ỹataqta nquictauec, nache ivitta'a da ilaxachigui somaye.