Jueces 4:17 - La'aqtaqa Ñim Lo'onatac 'Enauacna 2013

¹⁷ Nache so Sísara co'ollaq petañi da datauec, nache ivitta'a so lpe'l aso Yael, asom lhua so Jéber, som queniita, qaq cha'aye so Jabín, som nta'a ye Jazor, somaye nhuoteete' so lalamaxat lauo' le'ecpi so Jéber.

Jueces 4:17 Referans Kwoze

Isaías 57:21

Nam qauemaicpi saishet da hueto'ot ca nlagaxayec.» Qaq 'era da la'aqtac Ñim Nataxala'.

Salmos 69:22

Qaq ỹoqo'oye 'auo'otec qome namayepi, da maiche que'emaxam da lquia'axac.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Salmos 107:40

Qalaxaye Ñim Lo'onatac 'Enauacna ỹataqta ỹaỹemec na saq ỹaxanapec namayepi, nache ỹo'ot da isomtac da huetalec ca toolec 'alhua cha'aye qaica ca llec.

Jueces 5:24

¡Ỹataqta ỹo'oxoraq aso Yael da ỹalectaigui so laỹepi 'alpi, asom lhua so Jéber maye queniita! ¡Ỹataqta ỹo'oxoraq da ỹalectaigui so 'alpi maye netaña se'eso npe'lpi!

Jueces 5:6

Soua na'axa'te maye huetaiguilo so Samgar, maye llalec so Anat, qataq soua na'axa'te maye huetaiguilo aso Yael, nache na queuoxoicpi ca'aisalo naua nqa'aico, nache quegue na na'axasoxonatacpi maye namaqtapigui.

Jueces 4:16

Qalaxaye so Barac icaatac so alleppi qataq aso nalaataxaqui laigonapi so Sísara, nache iviraxatta'a ye Jaroset Goyín. Nache se'eso na'a'q ỹataqta qaica da huo'otaq 'oonolec ca no'onañi da nca'altauec som nalleppi so Sísara. Nache 'enauac ileu.

Jueces 4:18

Nache aso Yael ca'atta'aguet co'ollaxa so Sísara, nache 'enapego', 'eeta': «'Aỹala 'am ỹataxala', 'aỹala, saishet da 'añe'etac.» Nache so Sísara pa'aigui co'ollaxa so npe'l, nache asomaye ỹoxooñi, ỹapolec so npo',

Amós 2:16

Qaq que'eca na'a'q, nache na alaataxaicpi maye ỹataqta 'añaxaicpi, qalaq nqata'a qome na lo'ogoxonaxatpi da yaqto' datauec. Qaq 'era da la'aqtac Ñim Nataxala'.