Jueces 4:16 - La'aqtaqa Ñim Lo'onatac 'Enauacna 2013

¹⁶ Qalaxaye so Barac icaatac so alleppi qataq aso nalaataxaqui laigonapi so Sísara, nache iviraxatta'a ye Jaroset Goyín. Nache se'eso na'a'q ỹataqta qaica da huo'otaq 'oonolec ca no'onañi da nca'altauec som nalleppi so Sísara. Nache 'enauac ileu.

Jueces 4:16 Referans Kwoze

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Romanos 2:12

Ñim Lo'onatac 'Enauacna ỹaconeguet nam ỹalaxaguet na lqataxacpi so Moisés, qalaxaye saishet da ỹaconeguet nam choche na'axaỹaxaatega namayepi. Qaq nam ỹaỹaten na nqataxacpi qalaq nachena na nqataxacpi nam qairolec da qanmit. Qaq nam sa ỹauatton ne'ena nqataxacpi qataq huo'o na lasouaxashet, qalaq qaỹauo'o ca nhuaxanaguec na'aictaxa da sa ỹauatton ne'ena nqataxacpi.

Isaías 43:17

qataq ỹo'ot da huenoxonec 'enauac so 'añaxaic alleppi, netangui ana nnaigonapi qataq na netalec na lalo caipi da yaqto' ilaxachigui. Qaq somayepi qanasaxañi nache saishet da qaltaq nachaañi, somayepi nache loga't 'eeta'am ca ncoỹaraxanaxat da imeuo qalaq maiche 'om.

Salmos 104:35

Qaq ña imeuo qome na 'etaxaloxoicpi maye netalec ana 'alhua, qataq qaica qome na qauemaicpi. Ayem, semato'ot da ñachaalataxac da sho'oxoren Ñim Nataxala'. ¡Aja', qaỹo'oxoren qome Ñim Nataxala'!

Salmos 83:9

Qaq namayepi 'aue'enaxatchigui qome da qonetec co'ollaxa so Madián le'ecpi, qataq da qonetec so Sísara qataq so Jabín co'ollaq huaña so la'auaxac Cisón,

Josué 11:8

qaq Ñim Nataxala' ỹanem so Israel le'ecpi da nauec somayepi, nache iloquiaxaatac qataq icaatalec co'ollaxa somayepi, iviraxata'a ye 'amaqtaqaic huaqta'a't nỹecpi ye Sidón qataq ye Misrefot Mayin maye pa'aỹa'ague da sheu', nache iviraxatta'a ye nalochiguiñi 'alhua ye Mispá, yem pa'aỹa'ague da yo'oxoñi. Nache ỹataqta qaica ca no'onaxatañi da nca'alaxattauec.

Éxodo 14:28

Qaq co'ollaq qaltaq ỹe'eguelaxa't so 'etaxat aso auaxai, nache imoolec aso naigonapi, caipi, qataq 'enauac so nalleppi so faraón maye tangui aso auaxai da icaatac so Israel le'ecpi. Nache somayepi qaica da 'oonolec ca no'onañi da nca'altauec.

Jueces 4:2

Qaq ỹoqo'oye Ñim Nataxala' ỹaneguet somayepi da la'añaxac so Jabín, som nta'a Canaán le'ec maye ilotague' co'ollaxa so huaqta'a't nỹecpi ye Jazor. Qaq so lataxala' so nalleppi, somaye le'enaxat Sísara, somaye naña ye Jaroset Goyín.

Jueces 4:17

Nache so Sísara co'ollaq petañi da datauec, nache ivitta'a so lpe'l aso Yael, asom lhua so Jéber, som queniita, qaq cha'aye so Jabín, som nta'a ye Jazor, somaye nhuoteete' so lalamaxat lauo' le'ecpi so Jéber.

Josué 10:10

Qaq Ñim Nataxala' ỹanem se'eso nta'alpi da ỹataqta ñi'iỹa naqa'en so Israel le'ecpi, qaq ỹoqo'oye so Josué ỹataqta qalota so ỹalauat huaña ye Gabaón, qataq icaatac co'ollaxa so laỹepi huaña so nqa'aic ye Bet Jorón, nache queto'ot da ỹalauattac so amorreopi, nache iviraxatta'a ye Azecá qataq ye Maceda.

Salmos 83:10

soua nlachiyiñi co'ollaq huaña ye Endor, nache 'eeta'am na huaca la'atec da ỹaleeguet na 'alhua.