Jueces 4:14 - La'aqtaqa Ñim Lo'onatac 'Enauacna 2013

¹⁴ Huaña nache aso Débora 'enapego' so Barac, 'eeta': «¡Ñaq qoñisheguem, cha'aye nagui Ñim Nataxala', 'am ỹanem da 'oxonec ñi Sísara! Cha'aye Ñim Nataxala' mashe hua'auta'ague da taỹa'ague na 'analleppi.» Nache so Barac huenoteeguesop añi qasoxonaxa Tabor, lỹatac so diez mil nalleppi,

Jueces 4:14 Referans Kwoze

2 Samuel 5:24

Nache qom 'aua'axaỹa ca l-lamaxa ayem qo'oipaqpi, da 'eeta'am da qanayectalec na pa'asheguem, huaña qome nache 'auloquiaxan yemayepi, cha'aye nachaỹem qome da sa'auta'ague da 'ata'ague da yaqto' selaxachigui ye alleppi filisteopi.

Deuteronómio 9:3

Qalaxaye qauaỹaañita nagui da Ñim Nataxala' maye Qanatamnaxala'ai, Nacheñi ñim hua'auta'ague qome da qa'aita'ague, qaq Ñimaye 'eeta'am ca norec da huo'o ca ỹavigaxat nache nlachiguiñi naqa'en, qaq nache 'eetec qome da qauauañiichigui da nlaxaañi, qataq huetaiya' naqa'en ye ỹotta'a't shiỹaxauapi. Qataq ỹataqta sa qaỹaloq qome da qauo'oyiỹauec qataq nlachiguiñi qanqa'eñi yemayepi, cha'aye nache 'enapec co'ollaxa Ñimaye.

Isaías 52:12

Qalaxaye saishet da qaỹalleetapigui' da qoquiỹa'ai namaye, qataq saishet da qauataiuec, cha'aye Ñim Nataxala' maye Natamnaxala' na Israel le'ecpi qami' mpaxattaleguete qome.

Miqueas 2:13

Qaq Ñim Lo'onatac 'Enauacna ỹo'otegue qome ca llec, qaq namayepi nache ca'atteueegue qome Ñimaye, nache tachiviigui naqa'en ca lasom ca huaqta'a't nỹecpi. Qaq ñim nta'a maye Nataxala', hua'auta'ague qome da taỹa'ague namayepi.

1 Samuel 9:26

nache so Saúl nnaañi. Qaq so lỹa na'a'q, nache so Samuel iỹaxaasheguemec so Saúl maye huetasheguemec na l-laq so nỹec. Nache 'enapega, 'eeta': Qoñisheguem qome, ime, qaq qojec 'avi'eguelaq. Nache so Saúl ñisheguem. Qaq co'ollaq ime, nache huenoxoorec lỹatrec so Samuel da tareuga so nqa'aic.

Jueces 19:28

Nache 'eetega asomaye, 'eeta': ¡Qoñisheguem, nache qolaq! Qalaxaye asomaye sa ỹasat. Nache so leviita ỹacoosop so lo'ocỹaxac asomaye nache ipenalec so lalo 'ashena, nache jec da nqo'ona so lma'.

Josué 7:13

Qaq ỹoqo'oye qoñisheguem nagui, nache qonapega na nhuo' le'ecpi da naỹamaxat, qataq ỹataqta nqui'itaxatta namayepi yaqto' Aỹem nachaateua'a qoyo'oxoñi. Cha'aye aỹem Nataxala' maye Natamnaxala' na Israel le'ecpi, 'era da ỹa'aqtac, 'eeta': ‹'Am Israel, 'auacona co'ollaxa nam iuen da ỹataqta 'enauac da qailaxachigui, qaq ỹoqo'oye qom saishet da 'aulaxachigui qataq da sa 'auasaxauec namayepi, nache sa 'aushet qome da 'auataỹa'aguet na 'ampa'aguenaxauapi.›

Génesis 44:4

Qaq co'ollaq saxanaxa da qaỹoqteueeguelo soomaye da quera'ai yem huaqta'a't nỹecpi, nache so José 'enapego' so ilotague' so lma', 'eeta': «'Aue qome, 'aucaaleguete se'esoua shiỹaxau', qaq qom 'avi't soomaye, nache qonapegalo, qoneta': Aỹem qami' so'oteque da ỹaỹamaqchiguiñi, qaq nagui qalaq ¿Ta'ainco' ye aỹem qauo'ochec da qauem? ¿Ta'ainco' da qaucachiỹai aca ỹomaxaqui maye chegaqaigui na plata,

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Jueces 4:10

Huaña yemaye da so Barac laỹona't na maiche nhuo' le'ecpi maye chegoxoguetpi so Zabulón qataq so Neftalí, nache ivi' diez mil so ỹalleppi som ca'ategue somaye. Qaq aso Débora, nache nnaictague' somaye.

Josué 10:8

nache Ñim Nataxala' 'enapego' somaye, 'eeta': «Saishet qome da 'añe'etega yemayepi, cha'aye aỹem 'am sanem qome da 'oxonecpi, qaq yemayepi qaica ca ishet da 'am dataỹa'aguet.»

Jueces 7:9

Nache se'eso pe Ñim Nataxala' 'enapega so Gedeón, 'eeta': «Qoñisheguem, nache 'anqo'ooña ye madianiitapi da yaqto' 'auloquiaxan, cha'aye aỹem 'am sanem da 'oxonec yemayepi.