Jueces 4:11 - La'aqtaqa Ñim Lo'onatac 'Enauacna 2013

¹¹ Qaq ye saqaỹapeque ye Cedes, maye naña aso encina ye Saanaim, nache netaña so lpe'l so Jéber, som queniita maye ca'ai so laỹepi queniitapi maye chegoxoguetpi so Hobab, som lacho' so Moisés.

Jueces 4:11 Referans Kwoze

Jueces 1:16

So chegoxoguetpi so Hobab maye queniita, som lacho' so Moisés, somayepi chegoqchiguiña co'ollaxa ye huaqta'a't nỹecpi maye le'enaxat Chaisat, nache lỹatec so maiche nhuo' le'ecpi maye chegoxoguetpi so Judá da nqo'ona ye toolec 'alhua ye Judá, maye pa'aỹa'ague da la'añaxa ye Arad, da yaqto' nache naña, nache lauoreuapi som shiỹaxauapi maye lma' yemaye.

Josué 19:33

Qaq se'eso 'alhuapi nache chegoqchiguiña ye Jélef, Elón Sananín, Adami Néguev qataq ye Jabnel, nache ivitta'a ye Lacún, qataq ivittaxaama so Jordán.

Números 10:29

Huo'o so na'a'q, nache so Moisés 'enapega so lacho' Hobab, som llalec so Reuel maye lma' ye Madián, 'eeta': Qomi' ñeqo'onaxa ye 'alhua maye qomi' ỹachaxanapecoto co'ollaxa Ñim Nataxala'. Ỹoqo'oye qomi' 'auca'ateguelo qome, qaq qomi' 'am sechoxorenaq qome. Cha'aye Ñim Nataxala' ỹachaxana da lchoxonnataxanaxa na Israel.

Josué 19:37

Cedes, Edrey, Enjazor,

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Jueces 4:6

Qaq huo'o so na'a'q, nache aso Débora damaxasoxona so ỹale le'enaxat Barac, so llalec so Abinoán maye netaña co'ollaxa ye Cedes, ye lma' so maiche nhuo' le'ecpi maye chegoxoguetpi so Neftalí, nache 'enapega, 'eeta': «Ñim Nataxala', maye Natamnaxala' na Israel le'ecpi, 'am 'enapega, 'eeta': 'Anqo'ona qome añi qasoxonaxa Tabor, nache 'alaỹona't ca diez mil ỹalleppi ye maiche nhuo' le'ecpi maye chegoxoguetpi so Neftalí qataq so Zabulón.

Números 24:21

Ime, qataq ỹamata'a so queniitapi, nache 'eeta': «Qami', na'aictaxa da qaramchiguiñi na qarma'aipi, cha'aye na'attalec na coma' na qaye'eguenaxaquiipi,

Éxodo 18:1

Nache so Jetro maye lacho' so Moisés, som ltaxaỹaxanaxanec na netaña ye Madián, somaye la'axaỹaxac 'enauac na ỹo'otec Ñim Lo'onatac 'Enauacna so Moisés, qataq so lalamaxatpi Israel le'ecpi, nataqa'en la'axaỹaxac da 'eetec Ñim Nataxala' co'ollaq nqateeguesop somayepi ye Egipto.

Éxodo 2:18

Qaq co'ollaq ivireua'a ye lma' so qa'ampi, nache so lta'a Reuel inatta'apo', 'eeta': «¿Che ta'ainco' ye qami' sa qaỹaloxogueta na na'a'q?»

Jueces 4:12

Nache so Sísara co'ollaq ỹaỹaten da so Barac mashe ivita ye pa'asheguem añi qasoxonaxa Tabor,

1 Samuel 15:6

qalaxaye hua'auñi da ỹamaxa da la'aqtac so queniitapi, da 'enapega 'eeta': Qami' qauaỹamaxacheeta co'ollaxa na Israel le'ecpi co'ollaq chegaqa'a ye Egipto, ỹoqo'oye qoquiỹa'ai qome na amaleciitapi. Qauataiuec qome yaqto' saishet da qaualliquiitaigui namayepi qom ñematchiguiñi. Nache so queniitapi ca'ai co'ollaxa so amaleciitapi.

1 Samuel 27:10

Nache so Aquis inattac naxa somaye, 'eeta': «¿Chaq hua'ague ca qoueta'ague so na'a'q da 'anhuottac na shiỹaxauapi?» Nache so David 'enapec naxa: «Qomye 'era pa'aỹa'ague da la'añaxa ye Judá, qataq da pa'aỹa'ague da la'añaxa ye Yeramel, qataq da pa'aỹa'ague da la'añaxa ye na'alhua ye queniitapi.»

Números 10:32

Qataq da qomi' 'auca'ateguelo, nache 'am ivirauga nataqa'en 'enauac nam no'on lchoxonnataxanaxatpi maye qomi' ỹanema qome Ñim Nataxala'.