Jueces 4:10 - La'aqtaqa Ñim Lo'onatac 'Enauacna 2013

¹⁰ Huaña yemaye da so Barac laỹona't na maiche nhuo' le'ecpi maye chegoxoguetpi so Zabulón qataq so Neftalí, nache ivi' diez mil so ỹalleppi som ca'ategue somaye. Qaq aso Débora, nache nnaictague' somaye.

Jueces 4:10 Referans Kwoze

Jueces 5:18

Qalaxaye so chegoxoguetpi so Zabulón qataq so Neftalí, ỹataqta sa iren da nachaalataxac huaña ye qaỹoqotcheguemec alaataqa'.

Jueces 5:15

Nataqa'en nnaicapegue' aso Débora so lataxala'pi na chegoxoguetpi so Isacar; qataq somayepi huenotec co'ollaxa da yaqto' itauan so Barac huaña ye ca'amegue. Qalaxaye so chegoxoguetpi so Rubén huo'o som 'amaqtaqaicpi ỹalleppi maye nasatta da lquiyaqteỹaxac.

Jueces 4:14

Huaña nache aso Débora 'enapego' so Barac, 'eeta': «¡Ñaq qoñisheguem, cha'aye nagui Ñim Nataxala', 'am ỹanem da 'oxonec ñi Sísara! Cha'aye Ñim Nataxala' mashe hua'auta'ague da taỹa'ague na 'analleppi.» Nache so Barac huenoteeguesop añi qasoxonaxa Tabor, lỹatac so diez mil nalleppi,

1 Reyes 20:11

Nache so nta'a ye Israel, ỹasateguet somaye, 'eeta': «Saishet qome da 'aua'alaqtai' qom ñaq saxanaxa da 'auauegaxan.»

1 Samuel 25:27

Qaq nagui 'onaxaic da 'auaconeguet ne'ena ỹachetaqtaxanaxat nallec da yaqto' 'aỹa'anoigui na 'aramaxashecpi maye 'annaictague'.

Jueces 4:6

Qaq huo'o so na'a'q, nache aso Débora damaxasoxona so ỹale le'enaxat Barac, so llalec so Abinoán maye netaña co'ollaxa ye Cedes, ye lma' so maiche nhuo' le'ecpi maye chegoxoguetpi so Neftalí, nache 'enapega, 'eeta': «Ñim Nataxala', maye Natamnaxala' na Israel le'ecpi, 'am 'enapega, 'eeta': 'Anqo'ona qome añi qasoxonaxa Tabor, nache 'alaỹona't ca diez mil ỹalleppi ye maiche nhuo' le'ecpi maye chegoxoguetpi so Neftalí qataq so Zabulón.

Éxodo 11:8

Huaña qome, nache aỹem naỹa 'enauac ne'ena 'artauapi, nache ỹa'alyiñi naua l-llecte da aỹem iỹaxanot, 'eeta': Qoqui qome, 'am qataq 'enauac nam shiỹaxauapi maye 'am quetague', huaña qome nache ishet da ashec.» Nache ỹataqta dalemata so Moisés co'ollaq ca'ai so faraón.

Jueces 6:35

Qaq nataqa'en ỹauo'o so lamaxashecpi da yaqto' iỹaxana so maiche nhuo' le'ecpi maye chegoxoguetpi so Manasés, da yaqto' huaxaiguetpi somaye. Qataq damaxasoxona nataqa'en som chegoxoguetpi so Aser, Zabulón qataq so Neftalí, da yaqto' nataqa'en huaxaiguet somaye.

Salmos 68:28

'Am Ñatamnaxala', ña 'auachaxan da 'ara'añaxac, ña 'avi'eguelaxalec da 'auachaxan de'era 'ara'añaxac, maye sauanaqchigui co'ollaq qomi' 'autaua'n.