Jueces 3:31 - La'aqtaqa Ñim Lo'onatac 'Enauacna 2013

³¹ Qaq so nmeneguet co'ollaxa so Aod, le'enaxat Samgar, som llalec so Anat. Somaye ỹalauat so seiscientos filisteopi, irota'a aso logorai na'araxanaqte maye lo'o da qaỹo'orelec na nauegaxanaxala'pi huacapi. Nache so Samgar nataqa'en nca'alaxatec co'ollaxa so Israel le'ecpi.

Jueces 3:31 Referans Kwoze

Jueces 5:6

Soua na'axa'te maye huetaiguilo so Samgar, maye llalec so Anat, qataq soua na'axa'te maye huetaiguilo aso Yael, nache na queuoxoicpi ca'aisalo naua nqa'aico, nache quegue na na'axasoxonatacpi maye namaqtapigui.

1 Corintios 1:17

Cha'aye So Cristo saishet da aỹem ỹamaxalec da sachelaxanataxan. Chaqrata da aỹem ỹamaxalec da sa'axattac da no'on na'axaỹaxac. Qalaxaye saishet da so'onataxana ca laỹaanec ca choche shiỹaxaua, yaqto' saishet da huo'otaq saqca ca naigui qanqa'en da l-leuaxa So Cristo co'ollaq qaiuaxaneuo.

1 Samuel 17:50

Qaq 'era da 'eetec so David co'ollaq loxonec so filisteo, irolec so lpocnaxanaxat qataq so coma' 'olec nache ỹalauat, qaq somaye ye saishet da ỹachetac ca lainec,

1 Samuel 17:47

Qaq 'enauac ne'ena lapoota'a'tpi maye hueta'a ne'ena, ỹaỹaten qome da Ñim Nataxala' saishet da iuen ca ỹeelonec huo'otaq aca taquiaxai da deca'alaqtaxan. Cha'aye de'era alaataxac maiche lalamaxat Ñim Nataxala', qaq nacheñi ñi qomi' ỹanema qome da qoñeeta da qami' qoroxonqa.

Jueces 15:15

Huaña nache ila'a so 'ashena lanoc maye saxanaxa da daqaqta, huetaña ye qanayeuta'a. Qaq nacheso so irolec da ỹalauat so mil filisteopi.

Jueces 5:8

Qaq na Israel le'ecpi lca'aua'a co'ollaxa so dalaxaicpi natamnaxala'pi, nache so loquiaxac nviraua'a nam lasompi na huaqta'a't nỹecpi, qalaxaye qaica ca 'oonolec so cuarenta mil nalleppi da hueto'ot acam lpaqtaxanaqte qataq lataquiaxai.

Jueces 2:16

Qalaxaye Ñim Nataxala' nataqa'en nauaxaỹaxaasheguem som nataxala'pi da yaqto' isoueeguesop da la'añaxac som nhuottac somayepi.

1 Samuel 4:1

qataq nache huaña naxa so Samuel, da'aqtaxanem 'enauac so Israel le'ecpi. Qaq se'esoua na'axa'te, so Israel le'ecpi huenoxonec da delogui' so filisteopi, nache hua'a ye saqaỹapeque ye Ebenezer. Qaq so filisteopi, qalaq nache hua'a ye Afec,

Jueces 10:17

Qaq so amoniitapi naỹamaxat da yaqto' nalat, nache ỹanaña so lpe'lpi ye Galaad. Qaq so Israel le'ecpi nataqa'en laỹona't co'ollaxa, nache ỹanaña so lpe'lpi ye Mispá.

Jueces 10:7

Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so filisteopi qataq so 'amoniitapi.

Jueces 4:1

Qaq co'ollaq mashe ileu so Aod, nache so Israel le'ecpi qaltaq ỹe'eguelaxalec da ỹo'ot nam ỹataqta sa ỹaỹamaxaren Ñim Nataxala'.

Jueces 3:30

Qaq 'era da 'eetec co'ollaxa da so Israel le'ecpi nauec so Moab le'ecpi. Qaq co'ollaq ime de'era, nache huo'o da nlagaxayec se'eso 'alhua imattrec soua ochenta vi'iye.

1 Samuel 12:9

Qalaxaye somayepi icoua'ai Ñim Nataxala' maye Natamnaxala', nache Ñimaye ỹaneguet co'ollaxa da la'añaxac so Sísara, som lataxala' so nalleppi so Jabín, som nta'a maye lma' ye Jazor, qataq da la'añaxac so filisteopi, qataq so nta'a maye lma' ye Moab, maye iloquiaxan co'ollaxa somayepi.

Jueces 10:11

Nache Ñim Nataxala' 'enapeco': «Co'ollaq qami' sa iyacna'ape na Egipto le'ecpi, amorreopi, 'amoniitapi, filisteopi,