Jueces 3:29 - La'aqtaqa Ñim Lo'onatac 'Enauacna 2013

²⁹ Qaq se'eso na'a'q, somayepi ỹalauat so diez mil moabiitapi, qaq na'aictaxa co'ollaxa da somayepi ỹataqta 'añaxaicpi, qataq alaataxaicpi, qalaxaye ỹataqta qaica ca qoỹet.

Jueces 3:29 Referans Kwoze

Salmos 17:10

Qaq namayepi ỹataqta sa detelaqtaxan, qataq da detaqa qalaq ỹataqta na'amqaanaxaiqa naua la'aqtaqa,

Da na'aqtaguec so Job 15:27

Qataq souaxat da chaxaraic da lashiguiỹaxac, qataq ivira'alo naua da'am laỹel na lcheta.

Jueces 3:17

Huaña nache jec da ira'a so nta'a Eglón aso nsheetenaxanaqte, qaq se'eso nta'a ỹataqta chaxaraic.

Deuteronómio 32:15

Qalaxaye co'ollaq mashe qaica ca iueetaique na Israel le'ecpi, nache dataỹa'aguet Ñim Lo'onatac 'Enauacna maye lo'onatac namayepi, qataq ỹo'otan naxa Ñim npaxattalec qataq lca'alaxaqui namayepi.

Deuteronómio 3:18

Qaq se'eso na'a'q qami' sanema co'ollaxa de'era ỹamaxasoxonaxac, 'eeta': «Ñim Nataxala' maye Qanatamnaxala'ai, qami' ỹanema ne'ena 'alhua da yaqto' qaralamaxache. Qaq na ỹalleppi maye ỹaỹaten da nalaataxac, nache hua'auta'ague qome da llec na lqaỹañecpi da taitague da le'ego.

Jueces 3:28

Nache so Aod 'enapega somayepi, da ca'ategue somaye cha'aye Ñim Nataxala' ỹanem da loxonec so moabiitapi maye mpa'aguenaxauapi somayepi. Nache so Israel le'ecpi ca'ategue somaye, nache nqo'ona da nauan som ñeguetapi da qotaitague da le'ego so Jordán maye taỹa'a ye Moab, nache qaica ca ỹashenem da quegue se'eso ñeguetapi.

Jueces 3:30

Qaq 'era da 'eetec co'ollaxa da so Israel le'ecpi nauec so Moab le'ecpi. Qaq co'ollaq ime de'era, nache huo'o da nlagaxayec se'eso 'alhua imattrec soua ochenta vi'iye.