Jueces 3:28 - La'aqtaqa Ñim Lo'onatac 'Enauacna 2013

²⁸ Nache so Aod 'enapega somayepi, da ca'ategue somaye cha'aye Ñim Nataxala' ỹanem da loxonec so moabiitapi maye mpa'aguenaxauapi somayepi. Nache so Israel le'ecpi ca'ategue somaye, nache nqo'ona da nauan som ñeguetapi da qotaitague da le'ego so Jordán maye taỹa'a ye Moab, nache qaica ca ỹashenem da quegue se'eso ñeguetapi.

Jueces 3:28 Referans Kwoze

Jueces 12:5

Qaq so Galaad le'ecpi nqo'ona co'ollaxa da nauan som ñeguetapi da qotaitague da le'ego so Jordán maye lalamaxat som chegoxoguetpi so Efraín. Nache naxa som chegoxoguetpi so Efraín maye naneltaxaatac da huotaique da ỹa'axasoxoolec som ñeguetapi, nache somayepi inat, da Efraín le'ec. Qaq da 'enapec saishet,

Jueces 7:15

Nache so Gedeón co'ollaq hua'aqchigui se'eso nchoxonaxac qataq da naigui, nache somaye ỹataqta ỹanot Ñim Nataxala' da llo'oxonnataxanaxac. Huaña, nache ỹe'eguelaxa so lanataqa' so Israel le'ecpi, nache 'enapega, 'eeta': «¡Qoñiisheguem, qolaq cha'aye Ñim Nataxala' mashe qomi' ỹanema da qoroxonec ye madianiitapi.»

Jueces 7:9

Nache se'eso pe Ñim Nataxala' 'enapega so Gedeón, 'eeta': «Qoñisheguem, nache 'anqo'ooña ye madianiitapi da yaqto' 'auloquiaxan, cha'aye aỹem 'am sanem da 'oxonec yemayepi.

Josué 2:7

Nache so nalleppi so nta'a icaaleguete soomaye, tateuga so nqa'aic maye taỹaxaama so tala Jordán, nache ivittaxaama so ñeguetapi da qotaitague da le'ego. Qaq co'ollaq chochaq inoxonec so alleppi, nache qaỹapogui so lasom so npaqtaxanaxat.

1 Samuel 17:47

Qaq 'enauac ne'ena lapoota'a'tpi maye hueta'a ne'ena, ỹaỹaten qome da Ñim Nataxala' saishet da iuen ca ỹeelonec huo'otaq aca taquiaxai da deca'alaqtaxan. Cha'aye de'era alaataxac maiche lalamaxat Ñim Nataxala', qaq nacheñi ñi qomi' ỹanema qome da qoñeeta da qami' qoroxonqa.

Jueces 7:24

Nache so Gedeón ỹauo'o so lamaxashecpi da nqo'ona ye 'alhuapi maye huaña aso qasoxonaxapi ye Efraín, nache 'enapega som ỹalleppi so maiche nhuo' le'ecpi da huenotec da delogui' so madianiitapi. Nache nauan so ñeguetapi so tala Bet Bará qataq so Jordán, co'ollaq saxanaxa da ivita yemaye. Nache som chegoxoguetpi so Efraín, ỹo'ot de'era qaỹamaxalec,

Jueces 7:17

Ime, nache 'enapega somayepi, 'eeta': Qom mashe sevitaxa ye loigue ye lanataqa' ye qampa'aguenaxauapi, nache aỹem qauloichigui, qataq qaue'enaxachiichigui da qauo'oche cam so'ot qome.

Jueces 4:10

Huaña yemaye da so Barac laỹona't na maiche nhuo' le'ecpi maye chegoxoguetpi so Zabulón qataq so Neftalí, nache ivi' diez mil so ỹalleppi som ca'ategue somaye. Qaq aso Débora, nache nnaictague' somaye.

Jueces 3:29

Qaq se'eso na'a'q, somayepi ỹalauat so diez mil moabiitapi, qaq na'aictaxa co'ollaxa da somayepi ỹataqta 'añaxaicpi, qataq alaataxaicpi, qalaxaye ỹataqta qaica ca qoỹet.

Jueces 7:14

Nache so lỹa 'enapeco': «Se'eso nacheso so lainec ca Gedeón, cam llalec so Joás, maye Israel le'ec. Ñim Lo'onatac 'Enauacna ỹanem ca Gedeón da loxonec na madianiitapi qataq 'enauac na qaranataqa'.»

Jueces 10:11

Nache Ñim Nataxala' 'enapeco': «Co'ollaq qami' sa iyacna'ape na Egipto le'ecpi, amorreopi, 'amoniitapi, filisteopi,

1 Reyes 20:21

Qalaxaye so nta'a ye Israel icaalec somayepi, nache ỹalauat so alleppi maye netalec so caipi, qataq ỹacona so caipi qataq aso naigonapi maye nalaataxaqui somayepi, huaña nache ỹataqta noxonec co'ollaxa so siiriopi.