Jueces 3:26 - La'aqtaqa Ñim Lo'onatac 'Enauacna 2013

²⁶ Qaq cha'aye somayepi imela'tpi, nache so Aod huo'o da ldaqa' da datauec, qaq co'ollaq mashe napacalec ye naña so nqolacpi maye naña ye Gilgal, nache nqañoxotoigui ye Seirat.

Jueces 3:26 Referans Kwoze

Jueces 3:25

Qalaxaye co'ollaq mashe qaỹoqtegue da deuataxaatac somayepi, nache huo'o da lhuogoxo souaxat da ila'a da sa npa'auec so nta'a. Huaña nache somayepi ỹacona aso lvinaqte so lasom da yaqto' ỹauatoigui, qaq co'ollaq ỹauatoigui nache ilalec so na'aco da huetaiya', qataq mashe ileu.

Jueces 3:27

Qaq co'ollaq ivita ye 'alhuapi maye huaña ana qasoxonaxapi ye Efraín, nache somaye ỹashiiyigui aso lasheere peenaq lcoue, da yaqto' laỹona't so Israel le'ecpi, nache namayepi huenoteeguesop añi qasoxonaxa da yaqto' datalec so Aod.

2 Samuel 4:6

Qaq aso lasom lo'o, asomaye ichegoqtac co'ollaxa so trigo qalaxaye do'ochaañi, ỹoqo'oye so Recab qataq so lqaỹa Baná saishet da qananomalo co'ollaxa da pa'areuo.

2 Reyes 9:10

Qaq aso Jezabel, chec qome ca pioxoppi, huaña ye no'onaxa ye Jezrel, nache qaica qome ca ilayiñi asomaye.» Qaq co'ollaq ime da la'aqtac so na'aqtaxanaxanec, nache ỹauatoigui so lasom nache datauec.