Jueces 3:24 - La'aqtaqa Ñim Lo'onatac 'Enauacna 2013

²⁴ Qaq co'ollaq mashe ỹoxogue somaye, nache so lamaxashecpi so nta'a, tasheguema yem netasheguema so nta'a qaq co'ollaq ila'a da napotagui so lasom, nache ipeta'a da so nta'a napola't da yaqto' lcotela't.

Jueces 3:24 Referans Kwoze

1 Samuel 24:3

Qaq co'ollaq ivita ye naña aso qagueta laỹe', qaq nache saqaỹapeque asomaye ye naña som auac maye nqañoxottaigui so David qataq so nalleppi, nache so Saúl taiguio' somaye da yaqto' lcotela't. Qaq so David qataq so nalleppi nache huetaiguio' se'eso auac da nqañoxottañi.

Jueces 3:20

Nache so Aod co'ollaq ndote' so nta'a Eglón, maye nso'ootañi, netasheguema so pa'aỹasheguem nỹec maye lpaqalaxaqui naxa da napaxaỹañi, nache nquicot somaye, nache, 'eeta': «Da na'aqtac maye 'am ñera'a, damaye chegoqo'ot Ñim Lo'onatac 'Enauacna.» Qaq so Eglón co'ollaq hua'aqchigui de'era, nache ñesheguem, ca'ai aso nso'onaxaqui.

Jueces 3:23

Ime, nache so Aod, ivingui da ỹapoguilo se'esoua laso'omi so pa'aỹasheguem nỹec, nache tachiviigui so nalloxoqui da jec.

Jueces 3:25

Qalaxaye co'ollaq mashe qaỹoqtegue da deuataxaatac somayepi, nache huo'o da lhuogoxo souaxat da ila'a da sa npa'auec so nta'a. Huaña nache somayepi ỹacona aso lvinaqte so lasom da yaqto' ỹauatoigui, qaq co'ollaq ỹauatoigui nache ilalec so na'aco da huetaiya', qataq mashe ileu.