Jueces 3:15 - La'aqtaqa Ñim Lo'onatac 'Enauacna 2013

¹⁵ qaq so Israel le'ecpi qaltaq ỹe'eguelaxalec da nachoxoreetacot Ñim Nataxala', nache Ñimaye qaltaq huo'o naqa'en so nachaañi da yaqto' nca'alaxatec somayepi. Nache lca'ateua'a som chegoxoguet so maiche lauo' le'ecpi so Benjamín, qaq somaye lo'onataxanaxat na ne'emaq lhuaq, le'enaxat Aod, som llalec so Gera. Qaq huo'o so na'a'q nache so Israel le'ecpi, ỹamaxa so nta'a Eglón aso lsheetenaxanaqte somayepi nache dachoxoolec so Aod.

Jueces 3:15 Referans Kwoze

Jueces 3:9

Huaña nache somayepi ỹataqta nachoxoreetacot Ñim Nataxala', nache Ñimaye ỹo'ot da huo'o so nachaañi shiỹaxaua da yaqto' nca'alaxatec somayepi. Qaq somaye, nacheso so Otoniel, maye llalec so Cenaz, som lqaỹa na'asa so Caleb.

Salmos 78:34

Ñim Lo'onatac 'Enauacna naxa da ỹo'otec da l-leuaxa somayepi, nache somayepi qaltaq ỹe'eguelaxa da nmittaique Ñimaye.

Isaías 36:16

¡Qaq saishet qome da qaualaqaiguet ñimaye! Cha'aye ñim nta'a ye Asiria, aỹem namaq da qami' shenapegalo da qanmañi' ñimaye, qataq qanañañi, yaqto' ñi 'oonolec da qoñiita ishet qome da chectac ana ala aca maiche lañiguishe uva qataq hiigo, qataq nỹomtapigui na 'etaxat maye chegaqangui aca maiche lshere.

1 Crónicas 12:2

Qaq se'eso alaataxaicpi ỹachetac so lchecnecpi, qataq nataqa'en ishet da ipocnec na coma' ỹauota'a na lpocnaxanaxat, qataq da ỹaỹenec ana lchecna, da ỹauota'a na lhuaq aloiguishec, huo'otaq na ne'emaq. Qaq 'ena na le'enaxatpi somayepi, som lauo' le'ecpi so Saúl, maye chegoxoguet so Benjamín:

Jueces 20:16

Qaq 'enauac se'eso ỹalleppi, ỹalectaigui so setecientos 'emaqpi maye ỹaỹaten da do'ogoxona na npocnaxanaxat. Qaq somayepi da ira'a na coma' da ipoquen ca 'oonolec qoue, qalaq ỹataqta saishet da npe'en.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Proverbios 21:14

Ca nachetaqtaxanaxat maye qoỹoxotchiguiñi da qoỹan, nmooñi naqa'en ca lta'araic nalemataic.

Proverbios 19:6

Ca chetaqtaxanaxaic qalaq qalota na nauochaxauapi, qataq 'enauac da qanmitta'a da auochaxaua ca huo'o na ỹaatac.

Proverbios 18:16

Ca nachetaqtaxanaxat ỹo'ot da qaỹauatec 'enauac na lasompi, qataq ỹo'ot da ishet da qaiviraua'a ca shiỹaxaua maye 'amaqtaqaic.

Salmos 90:15

Ña qomi' 'aỹa'anema qome caua vi'iye maye huaiguilo da qaramaicỹaxac, maye 'eeta'ama soua vi'iye maye huaiguilo da qanque'eenaxac.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

1 Samuel 10:27

Qalaxaye sa qoue naxa nam shiỹaxauapi maye qauema naua la'aqtaqa, nache 'eetaco': «¿Qache nacheso' so qaỹauotaique da qomi' nca'alaxatrec se'eso?» Nache ỹataqta qaỹo'otaatac, qataq saishet da qaỹo'oxoren, qalaxaye so Saúl saishet da iqocha'a somayepi.

Jueces 3:14

Huaña, nache so Israel le'ecpi, ivi' dieciocho vi'iye da do'onataxaatacot so Eglón,

Jueces 3:16

Qaq so Aod ỹo'ot co'ollaxa so lainec maye dos naua llaqa'ate, maye ivi' medio metro nache ỹauo'o so lasot alaxa da na'achigui ipa'axana'ague da aloic, nache ỹapotelec naqa'en soua alogo.

Jueces 2:16

Qalaxaye Ñim Nataxala' nataqa'en nauaxaỹaxaasheguem som nataxala'pi da yaqto' isoueeguesop da la'añaxac som nhuottac somayepi.

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

2 Samuel 20:9

Nache so Joab ỹauota'a na aloiguishec lhuaq, da ỹacootec aso lqa' laue so Amasa, 'eeta'am naqa'en da huotaique napigoxoi', nache 'eeta': ¿Peta'a qaica ca machaqca 'am ỹaqaỹa?

2 Samuel 20:10

Qaq so Amasa saishet co'ollaxa da npi'itaxana so Joab, da nasoqta'a so lainec, nache so Joab ỹa'atchigui na da'am laỹe co'ollaxa somaye, nache naañi naqa'en na lauel le'ec. Nache somaye ileu, saiuen da qaltaq qaỹa'arapec, huaña nache so Joab qataq so lqaỹa Abisay, je'c da icanapec so Sebá, maye llalec so Bicri.

1 Crónicas 8:3

Qaq soua llalqa so Bela, le'enaxa't Adar, Gera, Abiud,

1 Crónicas 8:5

Gera, Sefufán qataq so Jirán.

2 Crónicas 9:24

Qaq ỹoqo'oye somayepi, 'enauaque naua vi'iye da irotega na nmepi, oro, plata, coraxatpi, caipi qataq molapi.