Jueces 3:1 - La'aqtaqa Ñim Lo'onatac 'Enauacna 2013

¹ Qaq 'eso so ỹotta'a't shiỹaxauapi maye Ñim Nataxala' hua'aqta'a da nache netalec yi'iye 'alhua, da yaqto' Ñimaye ỹe'eguen so Israel le'ecpi, maye ñaq saxanaxa da ñiguiñi co'ollaq qailoctague' so Canaán le'ecpi.

Jueces 3:1 Referans Kwoze

Proverbios 17:3

Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.

Deuteronómio 7:22

Ñim Nataxala' maye Qanatamnaxala'ai, maiche nqo'onaxattauec qome da ỹo'orauec ye ỹotta'a't shiỹaxauapi, cha'aye saishet da nache imauec da ỹo'orauec qome yemayepi, yaqto' na shiguiỹacpi maye huauec saishet da nquictauec da nlaxalec ca qana'alhuai nache detoxon.

Jeremías 6:27

Ñim Nataxala' aỹem 'enapega, 'eeta': «'Am sepataxalec da 'avi'iguen na ỹalamaxat nhuo' le'ecpi. Qataq 'aumeteeta da yaqto' 'auaỹateeta cam lataxac namayepi.»

Da na'aqtaguec so Job 23:10

Qalaxaye Ñimaye ỹauattoota 'enauac da iqauaxac, qaq da aỹem ỹe'eguen, nache sheeta'am ca ndotec oro.

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

1 Pedro 4:12

Qami' ñauochaxau' ỹaqaỹarolqa maye qoquiitague' So Cristo, saishet da qami' ỹe'elaqche't qom qaviyeeguet na lqalaiguesat maye ỹe'eguen da qarpi'iỹaxaqui Ñim Lo'onatac 'Enauacna. Cha'aye damaye saishet da sa qaỹauanapega.

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Juan 2:24

Qalaxaye So Jesús saishet da ỹoqta ỹa'amaqten somayepi, cha'aye ỹaỹaten na lhuennataxac 'enauac somayepi.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

2 Crónicas 32:31

Qaq 'era da 'eetec nataqa'en co'ollaq so nataxala'pi ye Babilonia, da ỹauo'oi soua ỹama'q da yaqto' namaqtrega, qataq yaqto' ỹaỹate'n so sa qaỹauanepega maye huaña yi'iye 'alhua. Qaq Ñim Lo'onatac 'Enauacna ca'ai co'ollaxa so Ezequías, da yaqto' ỹe'eguen qataq yaqto' ỹauatton yem ỹoqta pa'auo lhuennataxac somaye.

Éxodo 15:25

Nache so Moisés nqouagaxaunot Ñim Nataxala', nache Ñimaye ỹachaxana aso qo'oipaqole, nache so Moisés ỹasaxangui so 'etaxat aso lcoue asa'aso qo'oipaqole, nache se'eso 'etaxat ama. Qaq huaña, nache Ñim Nataxala' ỹe'eguen da lpi'iỹaxac somayepi, qataq ỹanem da lqataxac qataq da llec naqa'en da nachaalataxac ñi 'oonolec shiỹaxaua.

Jueces 1:1

Qaq co'ollaq mashe ileu so Josué, nache so Israel le'ecpi inat co'ollaxa Ñim Nataxala', da chaq negue't ca hua'auñi se'eso maiche nalamaxat nhuo' le'ecpi da iloquiaxan so Canaán le'ecpi.

Jueces 2:23

Qaq souaxat de'era, nache Ñim Nataxala' saishet da saỹaỹaloxon da ỹo'orauec se'eso ỹotta'a't shiỹaxauapi, maye so Josué saishet co'ollaxa da loxonec, nacherata da nache netaña naqa'en somayepi.

Jueces 3:2

Qaq ỹoqo'oye Ñim Nataxala' nache 'ena'ac co'ollaxa de'era da yaqto' nam dalaxaic Israel le'ecpi, maye sa ỹauaneua'a co'ollaxa so hua'au loquiaxac, nagui ishet da ỹaỹaten da deloqui.

1 Reyes 9:21

qataq som chegoxoguetpi somayepi maye no'onalec se'eso 'alhua, maye so Israel le'ecpi sa ỹañoxot co'ollaxa da nmatchiguiñi da ỹalauat, nache so Salomón ỹamaxalec somayepi na no'onatac maye ỹataqta qapa'atta, qaq choche ivitta'a nagui.