Jueces 21:6 - La'aqtaqa Ñim Lo'onatac 'Enauacna 2013

⁶ Nache so Israel le'ecpi ỹataqta lta'araic da laquicoxo souaxat de'era huaigui se'eso lqaỹañecpi maye chegoxoguetpi so Benjamín, nache 'enapeco': Ne'ena na'a'q huo'o so mashe qaica nam nhuo' le'ecpi maye chegoxoguetpi so Israel.

Jueces 21:6 Referans Kwoze

Jueces 21:15

Qalaxaye so Israel le'ecpi ỹataqta huo'o da lchoxonnataxanaxa so chegoxoguetpi so Benjamín, souaxat da Ñim Nataxala' huo'o so qaica naqa'en somayepi.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

2 Samuel 2:26

Nache so Abner ỹa'alaxalec so Joab, 'eeta': ¿Peta'a sa 'ausheto' da 'avia'axaneguet de'era nalaataxanaxac? ¿Peta'a sa 'auaỹateno' da 'enauac de'era taỹa'a da que'eenaxac? ¿Negue't ca 'auatta'a da sa qonapega na 'analleppi da a'aye, ỹaxaañi da icaatac na lqaỹañecpi?

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Jueces 11:35

Qaq co'ollaq ila'aguet asomaye, nache ncolaxata'alo soua alogo souaxat da lqaigaxa nache nỹen, nache 'eeta': «¡Aicoue, 'am ỹalole, ỹataqta lta'araic da aỹem 'auo'otec ñiqui'ic! Cha'aye nache 'am maye aỹem 'auo'otec de'era lta'araic ñiqui'ic, souaxat da sanot co'ollaxa so ỹa'aqtac Ñim Nataxala', qaq nagui iuen da sepacchigui da so'ot damaye!»

Jueces 21:5

Huaña nache nnara't, 'eeta': Da shenaqta ¿negue't co'ollaxa ca sa ỹalegueua'a se'eso qaraponaxac maye huaña ye Mispá?, qaq cha'aye somayepi ỹo'ot co'ollaxa so ỹan la'aqtac da ỹalauat cam sa ỹalegueua'a se'eso naponaxac.

Jueces 21:7

¿Qaq ca shenaqteco' qome da sauoqo'o aca lhua nam no'onañipi ỹalleppi maye chegoxoguetpi so Benjamín? Cha'aye qomi' sanqot co'ollaxa so qara'aqtac Ñim Nataxala' da saishet da sashenaxaguet ana qoyalepi da huaroneguet namayepi.