Jueces 21:5 - La'aqtaqa Ñim Lo'onatac 'Enauacna 2013

⁵ Huaña nache nnara't, 'eeta': Da shenaqta ¿negue't co'ollaxa ca sa ỹalegueua'a se'eso qaraponaxac maye huaña ye Mispá?, qaq cha'aye somayepi ỹo'ot co'ollaxa so ỹan la'aqtac da ỹalauat cam sa ỹalegueua'a se'eso naponaxac.

Jueces 21:5 Referans Kwoze

Jueces 5:23

Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.

Jeremías 48:10

¡Ỹataqta qauem qome ca talec cam saishet da nasapattelec da ỹo'ot dam no'onataxanaxac maye damaxasoxoolec Ñim Nataxala'! ¡Ỹataqta qauem qome ca talec cam sa nashen da ỹalegueua'a da nalaataxanaxac!

1 Samuel 11:7

Nache ỹaconeua'alo soua dos lauegaxanaxala'ate huaca, nache ipelcapiguilo, nache ỹauo'o so lamaxashecpi da yaqto' ỹamaxa 'enauac nam nañapi lma'pi so Israel le'ecpi so laỹelolqa soomaye. Nache da huo'o na ivita se'eso namaxashecpi, nache 'eeta': «'Era qome da qoỹeetec nataqa'en caua lauegaxanaxala'ate huaca cam saishet da datalec qataq quegue ñi Saúl qataq ñi Samuel.» Nache ỹataqta huo'o da lta'araic lcolanaxa so shiỹaxauapi, nache 'eco' da 'oonolec shiỹaxaua so ỹalleppi da dataleguete soomaye.

Jueces 21:18

Qalaxaye qomi' saishet da sanaxauec ana qoyalepi da huaroneguet namayepi, cha'aye 'enauac nam Israel le'ecpi mashe sanaq co'ollaxa so qara'aqtac da qaỹo'ot da nhuaxanaguec cam ỹan aca llale da huaroneguet naqa'en nam chegoxoguetpi so Benjamín.

Jueces 21:1

So Israel le'ecpi ỹan da la'aqtac huaña ye Mispá, 'eeta': Ana qoyalepi, saishet qome da sashenaxaguet da huaroneguet na chegoxoguetpi so Benjamín.

Jueces 21:6

Nache so Israel le'ecpi ỹataqta lta'araic da laquicoxo souaxat de'era huaigui se'eso lqaỹañecpi maye chegoxoguetpi so Benjamín, nache 'enapeco': Ne'ena na'a'q huo'o so mashe qaica nam nhuo' le'ecpi maye chegoxoguetpi so Israel.

1 Samuel 14:24

Qalaxaye so Israel le'ecpi ỹataqta qaica ca la'añaxac co'ollaxa se'eso na'a'q, cha'aye ỹaguec na lqouaxa souaxat da qaica ca chec, cha'aye so Saúl ỹan co'ollaxa da la'aqtac, 'eeta': «Da huo'o ca chec ca nallec qom ñaq saxanaxa da avit, qataq qom saxanaxa da huo'o ca ivi', da ñematchiguiñi da salauat na ñepa'aguenaxauapi, nache camaye huo'o qome ca nhuaxanaguec.»