Jueces 21:3 - La'aqtaqa Ñim Lo'onatac 'Enauacna 2013

³ 'Am Nataxala', maye Natamnaxala' na Israel le'ecpi, ¿ta'ainco' da huaigui de'era nam qarhuo' le'ecpi? Qataq ¿ta'ainco' taxa da qaica som 'oonolec ne'ena nhuo' le'ecpi maye chegoxoguetpi so Israel?

Jueces 21:3 Referans Kwoze

Jeremías 12:1

'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?

Isaías 63:17

¿Qaq ta'ainco' 'am Nataxala' da qomi' 'auo'oteque da sashoxolec da 'anqa'aicỹaxac, qataq da qaramchigui 'anqa'en da qarquiyaqteỹaxac da yaqto' qaica ca 'enec ñaqa'enaq 'Am? Ña qomi' 'añe'eguelaxalo souaxat da 'arauoche na 'aramaxashecpi qataq na nhuo' le'ecpi maye 'aralamaxatpi.

Proverbios 19:3

Da 'eetec da qaica ca ỹaỹaanapec ca ỹale nachera da ỹo'ot da daqat da nqa'aicỹaxac, ime, nache nmaxalec da lasouaqtac camaye Ñim Lo'onatac 'Enauacna.

Salmos 80:12

¿Ta'ainco' da 'anlaxaañi so lpaqtaxat asomaye, cha'aye 'enauac na nlectot asomaye nache napoc ana ala?

Salmos 74:1

'Am Ñatamnaxala', ¿ta'ainco' da qomi' 'auala't? ¿ta'ainco' da ỹataqta 'eroigui da 'aralemataic, da 'aualemataỹa ana qaguetapi maye maiche 'arhuateguishe?

Deuteronómio 29:24

Nache 'enauac qome na ỹotta'a't shiỹaxauapi da denataxaatac, 'eeta': ¿Chaq ta'ainco' Ñim Nataxala' da ỹo'otec de'era ne'ena shiỹaxauapi? Qataq ¿chaq ta'ainco' da ỹataqta lta'araic da lalemataic Ñimaye?

Jueces 21:2

Qaq co'ollaq ime de'era nache se'eso nhuo' le'ecpi laỹona't huaña ye Betel, ỹauaachigui Ñim Lo'onatac 'Enauacna nache palom da nỹeetacpi, qataq nachoxoreetac nache, 'eeta':

Jueces 21:4

Qaq so lỹa na'a'q, nache so Israel le'ecpi ñisheguem so nte'etom, nache ỹo'ot aso lca'atoxonaxalate, nache qaỹachalec asomaye aso nachetaqtaxanaqte qaỹavigaxatta da qoỹanot Ñim Nataxala', qataq aso nachetaqtaxanaqte maye qanhuaachigui.