Jueces 21:25 - La'aqtaqa Ñim Lo'onatac 'Enauacna 2013

²⁵ Qaq se'esoua na'axa'te maye huetoiguilo de'era, nache so Israel le'ecpi saxanaxa co'ollaxa da huo'o ca nta'a da ilo'ogue somayepi, nache ñi 'oonolec maiche ỹoiqueetac cam ỹataqta ỹaỹamaxareeta da ỹo'ot.

Jueces 21:25 Referans Kwoze

Deuteronómio 12:8

Qaq huaña qome nache saishet da qauo'oche ca 'eeta'am na so'otaqtac nagui da souaqta'a ne'ena, da ñi 'oonolec ỹo'ot ca maiche 'eetapeguec,

Jueces 17:6

Qaq se'esoua na'axa'te maye huetoigui de'era, nache so Israel le'ecpi ñaq saxanaxaqca co'ollaxa ca nta'a da ilo'ogue somayepi, qaq ỹoqo'oye ñi 'oonolec maiche nanoiqueetac da huo'o cam ỹo'ot.

Proverbios 3:5

Ỹataqta 'aumato'ot da 'arquiyaqteỹaxac da 'aupi'iỹa'a Ñim Nataxala', qaq saishet da 'aupe'etega da maiche 'araỹaanataxanaxac.

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Proverbios 14:12

Huo'o ca nqa'aic maye 'eeta'am da ỹashectec, qalaxaye ca loga't camaye huetaña da nleuaxa.

Jueces 19:1

Qaq se'eso na'a'q co'ollaq saxanaxa da huo'o ca nta'a ye Israel, nache huo'o so leviita maye netaña co'ollaxa ye ỹataqta qaỹoqta 'alhua maye huaña ana qasoxonaxapi ye Efraín, nache somaye ỹauo'o lhua lỹa aso 'alo lma' ye Belén maye huaigui ye 'alhua Judá.

Jueces 18:1

Qaq se'eso na'a'q ñaq saxanaxa co'ollaxa da huo'o ca nta'a ye Israel. Nache se'eso nhuo' le'ecpi maye chegoxoguetpi so Dan saxanaxa co'ollaxa da qoỹanem ca lalamaxat na'alhua, ỹoqo'oye somayepi nmittaique cam naña da yaqto' ỹacona da ỹo'ot lalamaxat.

Salmos 12:4

nam 'eeta' naxa da la'aqtac: «'Eeso' ya' ye huo'o na qorap da yaqto' huo'o ca sañoxotaq, cha'aye na qara'aqtaqa maye qomi' mpaxaaleguete, qaq ¿negue't ca ishet da qomi' ỹamaqta'ape?»

Jueces 18:7

Nache je'c se'esoua cinco nmeenaxanaxanaqa nache ivilda'a ye Lais, yem huaña da iloralec som shiỹaxauapi maye maiche lma' se'eso huaqta'a't nỹecpi da ỹataqta qaica ca ndaqtaique, 'eeta'am da lataxac so sidoniopi ỹe'emaqtac, cha'aye qaica ca sa ỹalemaxat, qataq qaica ca iueetaique. Qalaxaye qaỹoqta yem naña som sidoniopi, qataq somayepi saishet da huo'o ca naỹamaxate'.

Jueces 21:24

Nache so laỹepi Israel le'ecpi nataqa'en jec da ỹe'eguelaxalo naua lalamaqa'ate 'aleu' maye netañalo so maiche lauo' le'ecpi, qataq so lalamaxat llalaqpi.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.