Jueces 21:21 - La'aqtaqa Ñim Lo'onatac 'Enauacna 2013

²¹ nache qanaỹamaxacheetai' qome. Nache qom qauloỹa'a nam 'alpi ye Silo da lapootec da dasora't, nache qoquiỹa'ai nataqa'en cam qanqañoxotaqa'ai, nache ñi 'oonolec ỹale da qoñiita ỹaconeua'a aca 'alo da decachiỹa, nache qoqui qome da yaqto' qanqo'oñiỹa ye maiche qana'alhuai.

Jueces 21:21 Referans Kwoze

Jueces 11:34

Nache so Jefté co'ollaq ỹe'eguelaxa so lma' maye naña ye Mispá, nache aso 'oonole llale ca'atta'aguet somaye, nache dasottac, qataq iuaxaatagui aso lasaquiaxanata. Qaq somaye, nachaqasota asa'aso llale, qaica ca laỹe llalaqpi.

Éxodo 15:20

Nache aso María maye la'aqtaxanaxana Ñim Lo'onatac 'Enauacna, maye lqaỹa so Aarón, asomaye qataq aso laỹepi 'alpi, ỹacona aso lasaquiaxanatapi, nache qaica'attaueegue asomaye, nache do'onaxaatac qataq dasottac.

Lucas 17:25

Qalaxaye hua'auñi qome da saigui na qalota ñeque'eenaxaguesat, qataq saishet qome da Aỹem qaỹaconeguet, saishet da Aỹem ỹaconeguet nam shiỹaxauapi maye huetaigui nagui ne'ena na'a'q.

Mateo 10:17

Qataq maxatchaxa, cha'aye qami' qoỹaneua'alo qome na nta'alpi, da yaqto' qami' qaiuaxaata'ape da huaigui ana napaxaguenaxaquipi na judiopi.

Jeremías 31:13

Na qa'ampiolec qalaq dasottagui qome souaxat da ntonaxac, nache 'eetec qome nataqa'en na nsoxoppiolec qataq na ỹa'axaiquipi. Aỹem sanem qome da lamaicỹaxac namayepi, qaq da laquicoxo qalaq nmeneguet ñaqa'en da lamaicỹaxac, qataq sanem da ỹactec da lamaicỹaxac napacalec da nqui'ic co'ollaxa.

Eclesiastés 3:4

Huo'o ye laloqo' da huo'o da noinaxac qataq huo'o ye laloqo' da huo'o da naỹalliguiyec. Huo'o ye laloqo' da huo'o da nasouaxac, qataq huo'o ye laloqo' da huo'o da tonaxac.

Salmos 150:4

Qavio'oxoyiñi Ñimaye qauasocheeta'ai' aca nasaquiaxanatapi, qavio'oxoyiñi qauauoita'a aca nasheerepi qataq aca nviquepi maye huo'o na lquetpi.

Salmos 149:3

Qauasocheetac qome da qavio'oxoyiñi da le'enaxat Ñimaye, qataq qauauoita'a aca nasaquiaxanatapi qataq nviquepi arpa da qauo'onaxañeeto'ot Ñimaye.

2 Samuel 6:21

Nache so David 'enapeco': «Aja', ỹataqta 'eesa de'era 'ara'aqtac, qalaxaye aỹem sasotto'ot Ñim Nataxala', maye aỹem lca'aguishec co'ollaq aỹem ỹanagui da lo'onataxanaxac so 'arta'a, qataq na llalaqpi, da yaqto' nachaỹem lataxala' 'enauac na nhuo' le'ecpi, maye lalamaxat Ñimaye. Ỹoqo'oye aỹem nache shecto'ot qome da sasotto'ot Ñimaye.

2 Samuel 6:14

Qaq so David ỹaatañi co'ollaxa so efod maye chegaqaigui na lino, nache ỹataqta nmatasheguem da la'añaxac da dasotto'ot Ñim Nataxala'.

1 Samuel 18:6

Qalaxaye nache chegoqta'a se'eso na'a'q co'ollaq so David ỹalauat so Goliat, da so Saúl ỹataqta huo'o da lquiỹaxa so David. Qaq ỹoqo'oye co'ollaq ñe'eguelaq so alleppi chegaqa'a so alaataxac, nache so 'alpi maye chegaqa'a som huaqta'a't nỹecpi maye ỹotta'a't naua nañalo ye Israel da ca'atta'aguet so nta'a Saúl, nache do'onaxaatagui qataq dasottagui, huota'a na lhuaxanec qataq na lasaquiaxanatac souaxat da ntonaxac.

Jueces 21:20

Ime, nache so nqueroxonecpi lataxala'pi so Israel le'ecpi, ỹamaxa da la'aqtac so chegoxoguetpi so Benjamín, 'eeta': Qanqo'oñiỹa qome ye nanqa' ana uva maye saqaỹapeque ye Silo nache qanqañoxochiiñi,

Cantares 6:13

Ña 'añe'eguelaq qome Sulamita, ña 'auasot. Ña 'añe'eguelaq, sauoqtaique da 'am sauanaqchigui. ¿Negue't ca huo'omshe huotaique qauloỹa'a ana Sulamita? ¡Qomye da lasotaxac da ỹalectaigui na laỹe dasottega'tpi!