Jueces 21:2 - La'aqtaqa Ñim Lo'onatac 'Enauacna 2013

² Qaq co'ollaq ime de'era nache se'eso nhuo' le'ecpi laỹona't huaña ye Betel, ỹauaachigui Ñim Lo'onatac 'Enauacna nache palom da nỹeetacpi, qataq nachoxoreetac nache, 'eeta':

Jueces 21:2 Referans Kwoze

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

1 Samuel 30:4

nache somayepi ỹataqta na'alaqtapiguiñi da nnoinaxac, nache ivitta'a da ỹataqta qaica ca la'añaxac.

Jueces 21:12

Nache so Israel le'ecpi co'ollaq ivira ye Jabés maye huaigui ye Galaad, nache ilalec aso cuatrocientos qa'ampi maye saxanaxa da ỹauana ca ỹale, nache ỹauega ye nanataqa' maye naña ye Silo, yem huaña ye 'alhua Canaán.

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Jueces 2:4

Nache so nale Ñim Nataxala', co'ollaq ime da la'aqtaxanaxac, nache so Israel le'ecpi ỹataqta 'enauac da na'alaqtapiguiñi da nnoinaxac.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Génesis 27:38

Nache so Esaú qaltaq 'enapego' so lta'a, 'eeta': «'Am taxare, ¿peta'a saisheto' da 'aỹa'an ca lỹa 'archoxonnataxanaxa? ¡Ñaq aỹem 'auchoxoren nataqa'en 'am taxare!» Nache somaye qaltaq ỹe'eguelaxalec da na'alaqtapiguiñi.

Jueces 21:3

'Am Nataxala', maye Natamnaxala' na Israel le'ecpi, ¿ta'ainco' da huaigui de'era nam qarhuo' le'ecpi? Qataq ¿ta'ainco' taxa da qaica som 'oonolec ne'ena nhuo' le'ecpi maye chegoxoguetpi so Israel?

1 Samuel 11:4

Nache so namaxashecpi ivira'a co'ollaxa ye Gabaa, yem netaña so Saúl, nache da'aqtaxanem so shiỹaxauapi de'era na'axaỹaxac. Nache 'enauac somayepi ỹataqta nỹeetagui.