Jueces 21:19 - La'aqtaqa Ñim Lo'onatac 'Enauacna 2013

¹⁹ Qalaxaye somayepi tachigui lauel co'ollaxa da ye 'oonolec vi'i, nache qaỹo'ot naxa so naponaxac lta'araic da qaỹo'oxoren Ñim Nataxala' huaña ye Silo, maye naña ye pa'aỹa'ague da sheu' ye Betel, qataq ye pa'aỹa'ague da nala' lliguisheguem so nqa'aic maye chegaqaua'a ye Betel, nache taỹa'a ye Siquén qataq pa'aỹa'ague da sheu' ye Lebona.

Jueces 21:19 Referans Kwoze

Juan 7:2

Qalaxaye mashe saqaỹapeque so naponaxac maye ivittre'c soua siete na'axa'te maye laloxoqui' da qanayenaiguilo naua qaỹa'ara'a't npe'lolqa qo'oipaq lcouepi.

Juan 5:1

Qaq co'ollaq qaỹata'ague de'era, nache So Jesús ỹe'eguelaxa ye Jerusalén, da yaqto' ỹalegueua'a so laponaxac na judiopi.

Salmos 81:3

Qataq qauashiiyigui ana peenaq lcoue da ivita da dalaxaic so ca'agoxoic, qataq da ivita da nlaqchigui so ca'agoxoic, maye huetoigui naxa da so'otaq da qarquia'axac.

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

Jueces 18:31

Qaq somayepi nache neto'ot se'eso nqolac maye lo'onatac co'ollaxa so Micaía, maye netaigui co'ollaxa aso atamnaxaqui maye lalamaqte Ñim Nataxala' maye naña ye Silo.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Deuteronómio 16:13

Qaq da ime ca laloxoquipi da qanqat ana ala ca trigo, qataq da qanlom na lli'i aca uva, nache qauo'oche ca naponaxac ivittrec caua siete na'axa'te, maye laloxoqui' da qanayenaigui na npe'lpiolec qo'oipaq lcouepi.

Deuteronómio 16:10

nache qauo'oche ca qaraponaxaqui que'ecaua na'axa'te da qavio'oxoreñi Ñim Nataxala' maye Qanatamnaxala'ai, qataq qaỹa'añiỹot aca qarachetaqtaxanaqche maye maiche chegoqchigui ñi 'oonolec da ỹan, qataq ca nalota'ai' ñi 'oonolec maye ỹachegoxotchigui da lqouagaxanaqtaic Ñim Nataxala'.

Deuteronómio 16:1

Qaq da ivita so ca'agoxoic Abib, nache qaupaquiichigui qome da qauo'oche ca Lapascua. Nache qavio'oxoyiñi Ñim Nataxala' maye Qanatamnaxala'ai, cha'aye huetoigui co'ollaxa so pe se'eso ca'agoxoic Abib, da Ñim Nataxala' qami' nqateeguesopa ye Egipto.

Números 29:12

Qaq ca na'a'q quince que'eca ca'agoxoic siete, nache qami' qauo'oche qome ca ỹo'oxoraq qaraponaxaqui. Qaq que'eca na'a'q qaica qome ca qauo'oche na no'onatacpi. Nache siete na'axa'te da qauo'ocheetac que'eca ỹo'oxoraq naponaxac da qavio'oxoreñi Ñim Nataxala'.

Números 28:26

Qaq ca naponaxac da qantonec ca la'auaxanec ala ca nañiguishec, nache da qaỹa'añiỹot Ñim Nataxala' ca la'auaxanec ala ca nañiguishec, nache qauo'oche qome ca lta'araic naponaxac da qavio'oxonnataxañi. Qataq qaica qome ca qaỹo'ot nam no'onatacpi.

Números 28:16

Qaq ca na'a'q catorce ca la'auaxanec ca'agoxoic ye vi'i, nache huetoigui qome da qaỹo'ot ca Lapascua da qaỹo'oxoren Ñim Nataxala',

Números 10:10

Nataqa'en caua na'axa'te da qauamaichiguiñi, nache qaỹashiiyiguilo qome caua nasheerel, qataq da dalaxaic ñi ca'agoxoic huo'otaq da qoỹaneuo na nachetaqtaxanaxat qaỹavigaxatta, qataq na qanhuaachigui. Yaqto' qami' seuennata'alo qome. Aỹem Nataxala', maye Aỹem Qanatamnaxala'ai.»

Levítico 23:34

«Qonapega qome na Israel le'ecpi, qoneta': Nachesota qome se'eso ca'agoxoic siete, da ivita ca na'a'q quince, nache ivittrec qome caua siete na'axa'te da qauo'oche ca naponaxac, qataq qoñiỹaigui ca npe'lpi qo'oipaq lcouepi, da yaqto' qavio'oxoyiñi Ñim Nataxala'.

Levítico 23:10

«Qonapega qome na Israel le'ecpi da ivita da qaunoxoñeeua'a ye 'alhua maye qami' sanema qome, nache da ivita da qanqache ca ala ca trigo, nache qaroiua'a qome ca ntaxaỹaxanaxanec aca 'oonole hua'auchiguiñi naqta que'eca nqateguishec.

Levítico 23:6

Qaq da ivireuga ca na'a'q quince que'eca ca'agoxoic, nache qauo'oche qome ca nquia'axac maye qanallec aca nauole maye qaica ca lalegue ỹasheeraxachigui, da yaqto' qaỹo'oxoren Ñim Nataxala'. Qaq nache ivittrec caua siete na'axa'te da qollequiictac acamaye.

Levítico 23:4

Qaq 'ena na laloxoquipi qome da qauo'oche na naponaxacpi da yaqto' Aỹem qavio'oxoyiñi, Aỹem Nataxala'. Ỹoqo'oye qauo'oche qome ne'ena naponaxacpi.

Levítico 23:2

«Qonapega qome na Israel le'ecpi da 'ena na laloxoquipi na naponaxacpi maye ỹalamaxat, qaq qami' qauo'oche qome ne'ena naponaxacpi da yaqto' Aỹem qavio'oxoyiñi. Aỹem Nataxala' maye llapaxañi damaye.

Jueces 21:20

Ime, nache so nqueroxonecpi lataxala'pi so Israel le'ecpi, ỹamaxa da la'aqtac so chegoxoguetpi so Benjamín, 'eeta': Qanqo'oñiỹa qome ye nanqa' ana uva maye saqaỹapeque ye Silo nache qanqañoxochiiñi,