Jueces 21:14 - La'aqtaqa Ñim Lo'onatac 'Enauacna 2013

¹⁴ Nache so chegoxoguetpi so Benjamín ỹe'eguelaxa so hueta'a so laỹepi Israel le'ecpi, nache somayepi ỹanem som 'alpi maye ỹachegoxotaña ye Jabés. Qalaxaye sa nalouec co'ollaxa asomayepi, nache huo'o so ichiỹaugapi.

Jueces 21:14 Referans Kwoze

1 Corintios 7:2

Qaq damaye ỹaỹamaqchiguiñi. Qalaxaye da iuennataxac 'onaxaic da ca ỹale ỹauo'o aca lalamaqte lhua, qataq aca 'alo ỹauo'o ca ỹataqta lalamaxat lhua, yaqto' saishet da nqaañi da quisheguetaxac maye sa qaishetapec.

Jueces 21:12

Nache so Israel le'ecpi co'ollaq ivira ye Jabés maye huaigui ye Galaad, nache ilalec aso cuatrocientos qa'ampi maye saxanaxa da ỹauana ca ỹale, nache ỹauega ye nanataqa' maye naña ye Silo, yem huaña ye 'alhua Canaán.

Jueces 20:47

Qalaxaye seiscientos so datauec, taỹa ye toolec 'alhua, nache ivi' cuatro soua ca'agoxoiqa da hueta'a añi coma' maye naña ye Rimón.

Jueces 21:8

Nache nnattega't, 'eeta': ¿Qaq ne'ena maiche nhuo' Israel le'ecpi peta'a huo'o ca sa ỹalegueua'a co'ollaxa se'eso qaraponaxac da ñenataxai' Ñim Nataxala' maye huaña ye Mispá? Qaq huaña nache somayepi ntoonec da ye Jabés maye huaigui ye Galaad qaica co'ollaxa ca ỹalegueua'a se'eso lta'araic naỹonaxac,

Jueces 21:13

Ime, nache nmasheguem so nhuo' le'ecpi da damaxasoxona som chegoxoguetpi so Benjamín maye hueta'a co'ollaxa añi coma' maye naña ye Rimón, da yaqto' naỹamaxate' da ỹo'ot ca nlagaxayec.

Jueces 21:15

Qalaxaye so Israel le'ecpi ỹataqta huo'o da lchoxonnataxanaxa so chegoxoguetpi so Benjamín, souaxat da Ñim Nataxala' huo'o so qaica naqa'en somayepi.

Jueces 21:22

Qaq da huo'otaq anac ca lta'alpi qataq ca lqaỹañecpi da qomi' icogaxana'ape souaxat que'eca qa'ampi, nache qomi' shenaqapega qome da qami' ichoxore'n, cha'aye qomi' saishet da sanataxa acam laỹepi 'alpi da yaqto' qaica ca ichiỹauga namayepi. Namayepi ỹo'ot de'era cha'aye co'ollaq seloquiaqtague' so lma' ye Jabés, nache saishet da sachoxoñi so 'alpi da yaqto' imauec da huaroneguet ñaqa'enaq namayepi. Nache saishet da huo'o ca qarasouaxashichi, cha'aye saishet da nache qami' da qa'añiiuec anamayepi.