Jueces 21:13 - La'aqtaqa Ñim Lo'onatac 'Enauacna 2013

¹³ Ime, nache nmasheguem so nhuo' le'ecpi da damaxasoxona som chegoxoguetpi so Benjamín maye hueta'a co'ollaxa añi coma' maye naña ye Rimón, da yaqto' naỹamaxate' da ỹo'ot ca nlagaxayec.

Jueces 21:13 Referans Kwoze

Jueces 20:47

Qalaxaye seiscientos so datauec, taỹa ye toolec 'alhua, nache ivi' cuatro soua ca'agoxoiqa da hueta'a añi coma' maye naña ye Rimón.

Deuteronómio 20:10

Qaq qom qanayiñiitaua'a ca huaqta'a't nỹecpi maye huotaique qauloquiaxañi ca netaiguipi camaye, nache hua'auñi qome da qaua'aqtaxañim da qaica ca machaqca da qarviraxaqui.

Efesios 2:17

So Cristo anac co'ollaxa da ỹa'axatem 'enauac na shiỹaxauapi da no'on na'axaỹaxac maye ỹo'ot da nlagaxayec, qaq ivirauga na saishet da judiopi maye qaỹoqta co'ollaxa Ñim Lo'onatac 'Enauacna qataq nam judiopi maye saqaỹapeque Ñimaye.

Lucas 10:5

Qaq da huo'o ca qaviyeeua'a nỹec, qalaq qauquiñi 'enauac ca hueta'a que'eca nỹec, qauachaxañi da qaryaqai da que'eca nỹec no'on da taỹa'ague.

Isaías 57:19

nache ỹo'on ñaqa'en namayepi da no'onec maye, 'eeta': ‹¡Huo'o da l-lagaxayec nam hueta'a ca qaỹoqta, qataq huo'o da l-lagaxayec nam hueta'a ca saqaỹapeque! ¡Aỹem ñataren qome na ỹalamaxat nhuo' le'ecpi!›

Josué 15:32

Lebaot, Siljín qataq ye Rimón. Qaq da ima'a't se'eso huaqta'a't nỹecpi nache ivi' veintinueve ye lcata, qataq lỹaueegue' so lauoreuapi nma'piolec.

Jueces 20:45

Qaq so laỹepi qalaq datauec, nache taigue da pa'aỹa'ague ye toolec 'alhua, dam pa'aỹa'ague añi coma' maye naña ye Rimón, qalaxaye so laỹepi cinco mil somayepi ileu, huangui so nqa'aicpi. Qaq so Israel le'ecpi nache quetot da icaatac somayepi, nache qaltaq ỹalauat so dos mil.

Jueces 21:12

Nache so Israel le'ecpi co'ollaq ivira ye Jabés maye huaigui ye Galaad, nache ilalec aso cuatrocientos qa'ampi maye saxanaxa da ỹauana ca ỹale, nache ỹauega ye nanataqa' maye naña ye Silo, yem huaña ye 'alhua Canaán.

Jueces 21:14

Nache so chegoxoguetpi so Benjamín ỹe'eguelaxa so hueta'a so laỹepi Israel le'ecpi, nache somayepi ỹanem som 'alpi maye ỹachegoxotaña ye Jabés. Qalaxaye sa nalouec co'ollaxa asomayepi, nache huo'o so ichiỹaugapi.