Jueces 21:1 - La'aqtaqa Ñim Lo'onatac 'Enauacna 2013

¹ So Israel le'ecpi ỹan da la'aqtac huaña ye Mispá, 'eeta': Ana qoyalepi, saishet qome da sashenaxaguet da huaroneguet na chegoxoguetpi so Benjamín.

Jueces 21:1 Referans Kwoze

Jueces 20:1

Huaña nache 'enauac so Israel le'ecpi, chegoqchiguiña ye Dan nache ivitta'a ye Berseba qataq ye Galaad da 'eeta'am ca 'oonolec shiỹaxaua da anac da laỹona't huaña ye Mispá, ỹauaachigui Ñim Nataxala'.

Marcos 6:23

Na'aictaxa da tachiguingui na laiñi nam 'alhuapi maye selotague' da 'auỹaxaneua'a, qalaxaye, nache 'ena'am san da ỹa'aqtac da 'am sami'.

Hechos 23:12

Qaq so lỹa na'a'q, nache huo'o nam judiopi na detaxaỹapigui da huotaique da ỹalauat so Pablo, nache somayepi ỹan da la'aqtac da 'enapec saishet da deque'e, huo'otaq nỹom, da huo'otaq saxanaxa da ỹalauat somaye.

Eclesiastés 5:2

Qataq saishet da 'auỹalapigui' da 'autaqa qataq ye 'arhuennataxa da 'aỹa'anot ca 'ara'aqtac Ñim Lo'onatac 'Enauacna, cha'aye Ñimaye neta'ague da piguem, qaq 'am qalaq qoueta'a ana 'alhua. Qaq ỹoqo'oye cara'acolec da 'analoqnapec ca 'artaxaỹaxac.

Jueces 21:18

Qalaxaye qomi' saishet da sanaxauec ana qoyalepi da huaroneguet namayepi, cha'aye 'enauac nam Israel le'ecpi mashe sanaq co'ollaxa so qara'aqtac da qaỹo'ot da nhuaxanaguec cam ỹan aca llale da huaroneguet naqa'en nam chegoxoguetpi so Benjamín.

Jueces 20:8

Huaña, nache 'eeta'am ca 'oonolec shiỹaxaua, da 'enauac somayepi da nachaañi, nache 'enapec: Da shenaqta qaica qome ca ỹe'eguelaxa ca lpe'l huo'otaq ca lma'.

Romanos 10:2

Cha'aye aỹem saỹaten da namayepi ỹataqta lta'araic da lyaxa da do'onataxanot Ñim Lo'onatac 'Enauacna, qalaxaye namayepi sa ỹaỹaten ca 'eetec da qaỹo'onataxanot Ñimaye.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

1 Samuel 14:24

Qalaxaye so Israel le'ecpi ỹataqta qaica ca la'añaxac co'ollaxa se'eso na'a'q, cha'aye ỹaguec na lqouaxa souaxat da qaica ca chec, cha'aye so Saúl ỹan co'ollaxa da la'aqtac, 'eeta': «Da huo'o ca chec ca nallec qom ñaq saxanaxa da avit, qataq qom saxanaxa da huo'o ca ivi', da ñematchiguiñi da salauat na ñepa'aguenaxauapi, nache camaye huo'o qome ca nhuaxanaguec.»

Jueces 21:7

¿Qaq ca shenaqteco' qome da sauoqo'o aca lhua nam no'onañipi ỹalleppi maye chegoxoguetpi so Benjamín? Cha'aye qomi' sanqot co'ollaxa so qara'aqtac Ñim Nataxala' da saishet da sashenaxaguet ana qoyalepi da huaroneguet namayepi.

Jueces 21:5

Huaña nache nnara't, 'eeta': Da shenaqta ¿negue't co'ollaxa ca sa ỹalegueua'a se'eso qaraponaxac maye huaña ye Mispá?, qaq cha'aye somayepi ỹo'ot co'ollaxa so ỹan la'aqtac da ỹalauat cam sa ỹalegueua'a se'eso naponaxac.

Jueces 20:10

Qaq ne'ena maiche nhuo' le'ecpi ỹaconeua'alo qome caua diez maye chegoqraigui nam cien, qaq nachecaua qome ca pa'aỹa'agueta da laỹona't ca nallec da yaqto' aloq na alleppi. Qaq na laỹepi qalaxaye 'enauac qome da nqo'ona ye Gabaa da ỹe'eguelaxateguet da nleuaxa maye qaica ca 'ena'am qataq ỹataqta qauem maye ỹo'otec na Israel le'ecpi.

Jueces 20:48

Ime, nache so Israel le'ecpi qaltaq deloqui, nache irolec so ỹeelonec da ỹalauat 'enauac so no'onaiguipi so huaqta'a't nỹecpi maye lma'pi so chegoxoguetpi so Benjamín, nataqa'en ỹalauat 'enauac som na'atetpi qataq som natena'aguetpi, qataq ỹavigaxat 'enauac som huaqta'a't nỹecpi maye ỹotta'a't naua nañalo maye natenalecpi.

Jueces 21:22

Qaq da huo'otaq anac ca lta'alpi qataq ca lqaỹañecpi da qomi' icogaxana'ape souaxat que'eca qa'ampi, nache qomi' shenaqapega qome da qami' ichoxore'n, cha'aye qomi' saishet da sanataxa acam laỹepi 'alpi da yaqto' qaica ca ichiỹauga namayepi. Namayepi ỹo'ot de'era cha'aye co'ollaq seloquiaqtague' so lma' ye Jabés, nache saishet da sachoxoñi so 'alpi da yaqto' imauec da huaroneguet ñaqa'enaq namayepi. Nache saishet da huo'o ca qarasouaxashichi, cha'aye saishet da nache qami' da qa'añiiuec anamayepi.

Jeremías 40:6

Qaq huaña nache so Jeremías jec da nqo'ona ye Mispá maye netaña so Gedalías, nache neto'ot somaye, qataq netaigui so shiỹaxauapi maye no'onaña co'ollaxa yi'iye 'alhua.