Jueces 20:7 - La'aqtaqa Ñim Lo'onatac 'Enauacna 2013

⁷ Qaq cha'aye 'enauac da qami' Israel le'ecpi, nache qami' pa'aỹaiguilo ca 'eetec ca qarhuennataxaqui qataq ca qarqataxaqui da sheeta.

Jueces 20:7 Referans Kwoze

Jueces 19:30

Qaq 'enauac so ỹauaachigui co'ollaxa de'era 'enapeco': Chegoqta'a co'ollaq ca'ai ye Egipto na Israel le'ecpi, da saỹauanapega da qaỹauaachigui, qataq da qaỹo'ot ca 'eeta'am de'era. Qaq ña qauennataxañiilec damaye, qataq qauauo'oi ca qarasataxaqui cam sataxanaqteuga damaye.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

1 Corintios 5:6

Qami' sa ỹaỹamaxañi da qaño'oxoreñiitapigui de'era. ¿Sa qauaỹaañiỹo' naxa da na'aqtac maye 'eeta': «Aca saq 'amaqtaq lalecte ana nauole ishet da ỹasheeraxachigui 'enauac ca ndaqñiguishec 'ayiiña»?

1 Corintios 5:1

Mashe sogote da qaỹaỹaana'a't da huo'o ñi 'oonolec da qoñiita huetapeeguet añi la'aale late'e da 'eeta'am naqa'en aca lhua. ¡Qaq de'era ỹataqta qauem! ¡Ivira'a nam saxanaxa da da'amqaanataxan saishet da ishet da ỹo'ot de'era!

Proverbios 24:6

cha'aye da huo'o ca alaataxac qalaq qaỹaỹamaxatchiguiñi da qaỹo'ot ca llec, qataq ishet da qaivira'a da nauegaxanaxac da qalota na nqataxac lo'opi.

Proverbios 20:18

Na qalapaxañipi da qaỹo'ot qalaq chegoqchigui qanqa'en naua no'o'n nqataxaco, 'eeta'am da loquiaxac da qaỹo'ot qalaq qaiue'n naua no'oñi naỹaanataxanaxaco.

Josué 9:14

Huaña co'ollaxa nache so Israel le'ecpi ỹasateguet da chec se'eso aloq maye nachetrac soua chegoqtra'a ye Gabaón, qalaxaye saishet da inat co'ollaxa Ñim Nataxala'.

Deuteronómio 4:6

Qaualaqaigueta qataq qaupaquiichiguilo da qauo'oche' qome ne'enaua na'aqtaqa, yaqto' ne'ena ỹotta'a't shiỹaxauapi da qami' detaxaỹalo, nache qami' ỹaanaxanaxaiqa, qataq huattonaxanaxaiqa. Qataq qom hua'aqchigui ne'ena lataxacpi, nache 'eeta': «¡Ỹataqta 'eesa ne'ena nhuo' le'ecpi da ỹaanaxanaxaicpi qataq ỹaanataxanaxaicpi!»

Jueces 20:8

Huaña, nache 'eeta'am ca 'oonolec shiỹaxaua, da 'enauac somayepi da nachaañi, nache 'enapec: Da shenaqta qaica qome ca ỹe'eguelaxa ca lpe'l huo'otaq ca lma'.