Jueces 20:5 - La'aqtaqa Ñim Lo'onatac 'Enauacna 2013

⁵ Qalaxaye nacheso se'eso pe, anac so 'etaxaloxoicpi maye netaña yi'iye huaqta'a't nỹecpi nache coleesop ñim sonaqtaigui nỹec cha'aye huotaique da aỹem ỹalauat, qaq aye ihua lỹa nache qaỹaconeua'a da qancat, qataq ỹataqta qaỹe'en, nache qaỹalauat ayemaye.

Jueces 20:5 Referans Kwoze

Jueces 19:22

Qaq co'ollaq mashe ỹataqta machiguiñi da lquiyaqteỹaxac soomaye, nache anac so ỹalleppi 'etaxaloxoicpi maye lma' yemaye, nache coleesop co'ollaxa so nỹec maye lma' so ỹa'axaiquiolec, nache iuaxaatapegueua'a so lasom, qataq 'eetega, 'eeta': ¡Ña 'anpaxanec ca ỹale maye 'anamaxasoxoic, cha'aye sauoqtaique da qarauañi'!

Deuteronómio 22:24

nache caamaye qaỹaueguereuga ca ñegueuo ca huaqta'a't nỹecpi da yaqto' qairota'a ca coma' da qaỹasa'q da qaỹalaua't. Cha'aye aca qa'añole huasoilec da saishet da na'alaxañi co'ollaxa da yaqto' ishet da qaitauan da huetaña ca huaqta'a't nỹecpi, qaq ca ỹale qalaq huasoilec da ỹe'en aca qa'añole maye mashe lalamaqte ca lỹa ỹale. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

Deuteronómio 22:21

nache acamaye qaỹauegueua'a ca lasom ca lma' ca lta'a da yaqto' ca ỹalleppi que'eca huaqta'a't nỹecpi, ỹalauat acamaye irolec ca coma' da ỹasaq, cha'aye ỹo'otec da qauem na Israel qataq ca qauem na'aqtaguec ca lma' ca lta'a. Qaq 'era da 'eetec da qanqacheeua'a 'enauac qome ca qauem maye qami' huetanguilo.

Jueces 19:28

Nache 'eetega asomaye, 'eeta': ¡Qoñisheguem, nache qolaq! Qalaxaye asomaye sa ỹasat. Nache so leviita ỹacoosop so lo'ocỹaxac asomaye nache ipenalec so lalo 'ashena, nache jec da nqo'ona so lma'.

Jueces 20:4

Nache se'eso leviita, maye lhua aso 'alo maye qaỹalauat co'ollaxa, 'eeta': Aỹem ñenaictague' ayemaye so sevireua'a ye huaqta'a't nỹecpi ye Gabaa maye lalamaxat so chegoxoguetpi so Benjamín, da yaqto' souaqa'a yemaye se'eso pe.

Levítico 18:24

Saishet qome da qauo'oche de'era, cha'aye ỹo'ot da qami' nshepaxa'n. Cha'aye nachera da ishepaxanaqche't da lataxac yi'iye nhuo' le'ecpi maye so'orauec qome,

Josué 7:15

Nache ca hueto'ot que'eca nhuotaxanaxat maye qoỹan da yaqto' qailaxachigui, camaye nacheca qome ca qaỹavigaxat, lỹaueegue' 'enauac ca llalaqpi qataq 'enauac ca lalamaxatpi, souaxat da ỹo'otec da la'aloxo na Israel le'ecpi, qataq souaxat da sa ỹalaxalec da naỹamaxataxac Ñim Nataxala'.»