Jueces 20:48 - La'aqtaqa Ñim Lo'onatac 'Enauacna 2013

⁴⁸ Ime, nache so Israel le'ecpi qaltaq deloqui, nache irolec so ỹeelonec da ỹalauat 'enauac so no'onaiguipi so huaqta'a't nỹecpi maye lma'pi so chegoxoguetpi so Benjamín, nataqa'en ỹalauat 'enauac som na'atetpi qataq som natena'aguetpi, qataq ỹavigaxat 'enauac som huaqta'a't nỹecpi maye ỹotta'a't naua nañalo maye natenalecpi.

Jueces 20:48 Referans Kwoze

Proverbios 18:19

Ca nqaỹa maye qainogoqchet ỹataqta qaica ca ivireua'a 'eeta'am ca huaqta'a't nỹecpi maye qaỹapotaua'a. Qataq na cotaxacpi qalaq 'eeta'am ca lapoxot ca nỹec lta'araic.

2 Crónicas 25:13

Qaq som alleppi maye ỹe'eguelaxat co'ollaxa so Amasías, da yaqto' saishet da ntaune' da nqo'ona so alaataxac, qalaq iloquiaxaatac so shiỹaxauapi maye hueta'a so huaqta'a't nỹecpi maye ỹotta'a't naua nañalo ye Judá, chegoqchiguiña naqa'en ye Samaria, nache ivitta'a ye Bet Jorón, nache somayepi ỹalauat so tres mil shiỹaxauapi, qataq ỹache so qalota nogoxoshetpi.

Jueces 20:47

Qalaxaye seiscientos so datauec, taỹa ye toolec 'alhua, nache ivi' cuatro soua ca'agoxoiqa da hueta'a añi coma' maye naña ye Rimón.

Jueces 21:1

So Israel le'ecpi ỹan da la'aqtac huaña ye Mispá, 'eeta': Ana qoyalepi, saishet qome da sashenaxaguet da huaroneguet na chegoxoguetpi so Benjamín.

Jueces 21:23

Qaq 'era da 'eetec so chegoxoguetpi so Benjamín da ỹo'ot de'era qoỹanem na'aqtac, nache ñi 'oonolec so nsoxoppi ỹaconeua'a añi 'oonole so qa'ampi maye coleeta'a't da dasottega't. Ime, nache ỹauec, nache ỹe'eguelaxa ye maiche lalamaxat na'alhua, nache ỹoltaq no'oxoosheguem som huaqta'a't nỹecpi, qataq nache netaigui somayepi.