Jueces 20:34 - La'aqtaqa Ñim Lo'onatac 'Enauacna 2013

³⁴ nache nqo'oneua'a da iloquiaxan se'eso huaqta'a't nỹecpi. Qaq ivi' diez mil so ỹataqta alaataxaicpi Israel le'ecpi maye iloquiaxan co'ollaxa ye Gabaa. Qaq se'eso loquiaxac ỹataqta lta'araic, qaq so chegoxoguetpi so Benjamín sa ỹaỹaten co'ollaxa da mashe yaqta'a da qanauec.

Jueces 20:34 Referans Kwoze

Josué 8:14

Qaq so lta'a so netaña ye Ai, co'ollaq mashe noma de'era huaigui. Nache somaye ỹataqta iỹalapigui' da nnoxonec, lỹatec so nalleppi qataq 'enauac so shiỹaxauapi da yaqto' delogui' so Israel le'ecpi, huaña ye ca'amegue ye Jordán. Qalaxaye somaye sa ỹaỹaten da huo'o so laỹepi Israel le'ecpi da nqañoxottañi, huetauga na qoshiỹa'ague so huaqta'a't nỹecpi.

Isaías 47:11

Qalaxaye anac qome ca qauem da 'am talec, nache saishet qome da 'ampaxateguet da 'aurolec da 'ano'onataxac, 'am talec qome ca ỹataqa qauem, maye saishet da 'analo'oguet, qataq 'am talec cam qauem maye saishet da 'apettega da 'am talec, camaye nque'elaxatta qome da 'am talec.

Da na'aqtaguec so Job 21:13

Qaq choche imeuo da nachaalataxac da qaica ca iueetac, nache lactapiguiñi da tangui aca huachiqui.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Mateo 24:44

Qaq ỹoqo'oye nache 'eetec nataqa'en da qoñiita, iuen da qanloitec qataq qanaỹamaxacheetai' qome. Cha'aye Aỹem Shiỹaxaua Llalec ñevi' qom mashe saishet da Aỹem qaỹauotaique.

Eclesiastés 9:12

Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Proverbios 29:6

Ca qauemaic qalaq que'emaxama naua maiche lqoinaxanaxaco, qaq ca ỹale no'on da lataxac qalaq nda'a't da machiguiñi.

Proverbios 4:19

Qaq so nqa'aic na qauemaicpi qalaq napalñi, qataq saishet da ỹaỹaten ca quia'aqaisop.

Jueces 20:35

Qaq se'eso na'a'q Ñim Nataxala' ỹanem so Israel le'ecpi da nauec so chegoxoguetpi so Benjamín, nache somayepi ỹalauat so veinticinco mil cien som nalleppi som chegoxoguetpi so Benjamín.