Jueces 20:32 - La'aqtaqa Ñim Lo'onatac 'Enauacna 2013

³² Nache som chegoxoguetpi so Benjamín ipi'itaxaatega da qaltaq loxonec somayepi da 'eeta'ama soua hua'auyiñi lỹa't na'axa'te, qalaxaye so Israel le'ecpi, ỹauectauga co'ollaxa som qoỹoqteua'a so huaqta'a't nỹecpi som mpa'aguenaxauapi da yaqto' ivittauga soua nqa'aico.

Jueces 20:32 Referans Kwoze

Josué 8:5

Qaq na laỹepi ne'ena nhuo' le'ecpi, ñenaicapegue' qome da ñequigaxaua'a qome ye huaqta'a't nỹecpi, qaq qom nnoxonec da qomi' ca'ategueta que'eca shiỹaxauapi maye netaña yi'iye huaqta'a't nỹecpi da qomi' iloquiaxa'n, nache qomi' sataxaueeguesop qome camayepi se'enaxataqchigui da shenaqtec soua na'axa'te lỹa't.

Jueces 20:31

Qaq nataqa'en se'eso na'a'q, so chegoxoguetpi so Benjamín ỹoltaq tauga so pa'auec, so huaqta'a't nỹecpi nache ca'ateguet so Israel le'ecpi da yaqto' iloquiaxan. Nache somayepi ỹalauat so treinta Israel le'ecpi, huaña ye no'onaxa qataq soua nqa'aico maye taira'a ye Betel qataq Gabaa.

Jueces 20:33

Huaña, nache 'enauac so Israel le'ecpi da nque'elaxatta da ca'ai so netañapi nache naloguiñi da deloqui huaña ye Baal Tamar, qataq so laỹepi maye nqañoxottañipi huetaugalo naua loiguiye ye Gabaa,

Jueces 20:39

qaq so Israel le'ecpi maye 'eco' datauec, ila'a co'ollaxa so lmala'q nache ñe'eguelaxaguet da dataỹa'aguet da delogui' so chegoxoguetpi so Benjamín. Qaq som chegoxoguetpi so Benjamín, ỹalauat so treinta Israel le'ecpi, nache ipi'itaxaatega da doxonaxan, 'eeta'am so hua'auñi loquiaxac.

Josué 8:6

Qaq qom qomi' icana'ape nache qomi' sataxauec, sachegoxosoqteua'a ye huaqta'a't nỹecpi, yaqto' ipi'itaxana qome da ỹoltaq sataxaueeguesop camayepi.