Jueces 20:23 - La'aqtaqa Ñim Lo'onatac 'Enauacna 2013

²³ Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Jueces 20:23 Referans Kwoze

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Josué 7:7

Nache so Josué 'enapeco': «¡Aicoue, 'Am Nataxala'! ¿Ta'ainco' co'ollaxa da ỹa'axasoxoolec 'anqa'en so tala Jordán ne'ena nhuo' le'ecpi? ¿Qalqo' 'anshetaique peta'a da qomi' 'aỹa'anegueta na Amorreopi da yaqto' qomi' ilaxachiguilo? ¡Qaico' co'ollaxa da nache sonaqta'ategue da le'ego ye Jordán!

Jueces 20:22

Qalaxaye so Israel le'ecpi saishet co'ollaxa da leuapigui ye lauel, nacherata da naloguiñi da yaqto' nalat qataq ipacchiguiña som hua'auchiguiñi co'ollaxa da huetaña da nalattac.

Jueces 20:24

Qaq ỹoqo'oye so lỹa na'a'q nache so Israel le'ecpi qaltaq delogui' so lqaỹañecpi maye chegoxoguetpi so Benjamín.

1 Samuel 11:4

Nache so namaxashecpi ivira'a co'ollaxa ye Gabaa, yem netaña so Saúl, nache da'aqtaxanem so shiỹaxauapi de'era na'axaỹaxac. Nache 'enauac somayepi ỹataqta nỹeetagui.

Jueces 1:1

Qaq co'ollaq mashe ileu so Josué, nache so Israel le'ecpi inat co'ollaxa Ñim Nataxala', da chaq negue't ca hua'auñi se'eso maiche nalamaxat nhuo' le'ecpi da iloquiaxan so Canaán le'ecpi.

Jueces 21:2

Qaq co'ollaq ime de'era nache se'eso nhuo' le'ecpi laỹona't huaña ye Betel, ỹauaachigui Ñim Lo'onatac 'Enauacna nache palom da nỹeetacpi, qataq nachoxoreetac nache, 'eeta':

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

1 Samuel 10:3

Qaq qom qaltaq qojec, nache da mashe 'avita ara qo'oipaq encina maye naña ye Tabor, nache qaltaq 'anateetegueta caua tres ỹale't maye tairasheguema ye Betel da yaqto' ỹo'oxore'n Ñim Lo'onatac 'Enauacna. Qaq ca 'oonolec caamaye ỹacheta'ape caua tres quetaq, qaq ca lỹa ỹacheta'ape caua tres nauole 'ayiiña, qaq ca lỹa qalaq ỹachetac aca lo'oc huetagui ca lataxa.

2 Samuel 3:35

Qaq co'ollaq ime, nache 'enauac so shiỹaxauapi, 'eetega so David da deque'e co'ollaq ñaq saxanaxa da inoxooñi aso nala', qalaxaye so David, ỹan co'ollaxa so la'aqtac, 'eeta': «¡Ñim Nataxala' ỹataqta sa ỹala'ac qom ỹo'ot ca ñeuaxanaguec, qom huo'o ca sachec da ñaq saxanaxa da inoxooñi añi nala'!»