Jueces 20:21 - La'aqtaqa Ñim Lo'onatac 'Enauacna 2013

²¹ Qalaxaye so maiche nhuo' le'ecpi maye chegoxoguetpi so Benjamín inoxoneuga so pa'auec se'eso huaqta'a't nỹecpi ye Gabaa, nache se'eso na'a'q ỹalauat so veintidós mil so Israel le'ecpi.

Jueces 20:21 Referans Kwoze

Jueces 20:25

Qalaxaye somayepi ỹoltaq inoxoneuga so pa'auec ye Gabaa da delogui' somayepi, nache qaltaq ỹalauat so dieciocho mil nalleppi so Israel le'ecpi.

Oseas 10:9

Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

Jeremías 12:1

'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?

Salmos 77:19

Nache 'auo'otegue so ñec huangui aso auaxai, nache 'aua'axasoxoolec na qalota 'etaxat, qalaxaye qaica da huo'o ca ỹanata so lliguiyiñi naua 'arapia'ate.

Salmos 33:16

Ca nta'a saishet da deca'alligui ca qalota nalleppi, qataq na 'añaxaicpi saishet da deca'alligui da qalota la'añaxac.

2 Crónicas 28:10

Qaq nagui nache qaltaq qauacoñiiua'a da qauauo'oi qarlataqui na shiỹaxauapi maye lma' ye Judá, qataq ye Jerusalén. Qaq ¿peta'a saisheto' da huo'o da qarasouaxashechi hueto'ot Ñim Nataxala' maye Qanatamnaxala'ai?

Deuteronómio 23:9

Qaq da ivita da qanalaache' ca qampa'aguenaxauaipi, nache da qoviita'a ca lanataqa' na alleppi. Nache qanyiñiiguet qome 'enauac ca ishet da qami' ishepaxanaqche't.

Génesis 49:27

Qaq da Benjamín, qalaq 'eeta'am ca qa'alaq maye chaqaic, maye ye nte'eta qalaq no'otta'ai' da chec ca loxonec, qaq da avit, nache ỹanec ca lli'iỹoxot.»

Jueces 20:20

Nache huaña yemaye da naloguiñi da yaqto' delogui' so chegoxoguetpi so Benjamín maye naña ye Gabaa.

Jueces 20:22

Qalaxaye so Israel le'ecpi saishet co'ollaxa da leuapigui ye lauel, nacherata da naloguiñi da yaqto' nalat qataq ipacchiguiña som hua'auchiguiñi co'ollaxa da huetaña da nalattac.

Salmos 78:62

Ỹataqta dalemataỹa Ñimaye ne'ena lalamaxat nhuo' le'ecpi, nache ỹaneguet na lainecpi na mpa'aguenaxauapi.