Jueces 20:2 - La'aqtaqa Ñim Lo'onatac 'Enauacna 2013

² Qaq 'enauac da ỹalectauo som lataxala'pi so maiche nhuo' Israel le'ecpi, nache se'eso lalamaxat nhuo' le'ecpi Ñim Lo'onatac 'Enauacna, ivi' cuatrocientos mil alleppi som petañi.

Jueces 20:2 Referans Kwoze

Jueces 8:10

Qaq so Zebaj qataq so Salmuná huetra'a co'ollaxa ye Carcor, nache nnaictagueto so quince mil alleppi, som no'onañipi alleppi maye chegaqa'ague da pa'aỹa'ague da nala' lliguisheguem, cha'aye qaỹalauat co'ollaxa som ciento veinte mil maye laỹepi somayepi.

Jueces 20:17

Qaq so laỹepi Israel le'ecpi nataqa'en laỹona't co'ollaxa so cuatrocientos mil alleppi maye na'atchiguiñi na lo'ogoxonaxat som nache 'eetai' da alaataxaicpi.

Jueces 20:15

Nache so alleppi maye chegaqa'a so huaqta'a't nỹecpi maye huaigui ye na'alhua so chegoxoguetpi so Benjamín ivi' veintiséis mil som ỹalleppi maye ỹataqta na'atchiguiñi na lo'ogoxonaxat, qalaxaye sa qanaloqneuo so setecientos alleppi nca'aguishecpi maye chegaqa'a ye Gabaa.

2 Reyes 3:26

Qaq so lta'a so Moab le'ecpi, co'ollaq ila'a da qanauec se'eso alaataxac, nache ỹauec so setecientos alleppi maye ỹaỹaten da do'ogoxona na ỹeelonec, da yaqto' iloquiaxan so nta'a Edom le'ec, qalaxaye sa ỹañoxot co'ollaxa.

2 Samuel 24:9

Nache so Joab, ỹanem so nta'a aso le'enaxat lmalate 'enauac se'eso shiỹaxauapi maye lma' ye Israel, qaq ivi' ochocientos mil so ỹalleppi maye mashe ishet da taỹa ca alaataxac, qaq so netaña ye Judá, ivi' quinientos mil so ỹalleppi.

Jueces 20:3

Qaq so maiche nhuo' le'ecpi maye chegoxoguetpi so Benjamín co'ollaq ỹaỹaten da so maiche laỹepi Israel le'ecpi mashe laỹona't co'ollaxa hueta'a ye Mispá. Nache so Israel le'ecpi inat co'ollaxa so leviita, 'eeta': ¿Ca 'eetec co'ollaxa da l-leuaxa aya'aye 'alo?

1 Samuel 11:8

Nache so Saúl co'ollaq naloqten so nalleppi huaña ye Bezec, nache ivi' trescientos mil so alleppi Israel le'ecpi, qataq treinta mil so alleppi Judá le'ecpi.

Josué 22:12

qaq co'ollaq choche ỹaỹaten de'era so Israel le'ecpi, nache ỹo'ot so laponaxac huaña ye Silo, da yaqto' nqo'ona somayepi da iloquiaxan.

2 Samuel 14:13

Nache aso 'alo, 'enapeco': ¿Ta'ainco' da 'arhuennataxa de'era, ye 'auauotaique da 'auo'otec de'era na nhuo' le'ecpi maye lalamaxat Ñim Nataxala'? Cha'aye de'era 'anasaxauec 'ara'aqtac, naigui da maiche 'anasouaxaala't qome, cha'aye saishet da ñe'eguelaq 'anqa'en so maiche 'aỹa'alec maye jec co'ollaxa.