Jueces 20:19 - La'aqtaqa Ñim Lo'onatac 'Enauacna 2013

¹⁹ Qaq so nte'etom nache so Israel le'ecpi nqo'ona ye saqaỹapeque ye Gabaa, nache ỹa'ayiñi so lpe'lpi.

Jueces 20:19 Referans Kwoze

Josué 7:16

Qaq so lỹa na'a'q, nache so Josué no'ottasheguem nache iỹaxaneuga ñi 'oonolec soua doce som maiche nalamaxat nhuo' Israel le'ecpi. Nache Ñim Nataxala' taalec da ỹecteua'a so maiche nhuo' le'ecpi maye chegoxoguet so Judá.

Josué 6:12

Qaq so nte'etom so lỹa na'a'q, so Josué ñisheguem, qaq soua ntaxaỹaxanaxanaqa nache ỹacoosopa aso arca maye laỹe' da aỹamaxataxac.

Josué 3:1

Qaq co'ollaq ñaq nte'etom so lỹa na'a'q, nache so Josué qataq 'enauac so Israel le'ecpi ca'ai ye Sitín, nache co'ollaq ivita so tala Jordán, qaq saishet da nache ỹa'axasoxoolec, nacherata da hua'a da nmataqa' so loigue.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Jueces 20:20

Nache huaña yemaye da naloguiñi da yaqto' delogui' so chegoxoguetpi so Benjamín maye naña ye Gabaa.