Jueces 20:18 - La'aqtaqa Ñim Lo'onatac 'Enauacna 2013

¹⁸ Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Jueces 20:18 Referans Kwoze

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Números 27:21

Qalaxaye so Josué taua'a qome so ntaxaỹaxanaxanec Eleazar da yaqto' somaye ichemaxata Aỹem chegoqchigui so Urim. Yaqto' ca la'aqtac so Josué da ỹamaq na Israel le'ecpi da jec, qataq da ñe'eguelaxauo, nacheca ca ỹalaxaguet qome namayepi da ỹo'ot.

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.

Jueces 20:7

Qaq cha'aye 'enauac da qami' Israel le'ecpi, nache qami' pa'aỹaiguilo ca 'eetec ca qarhuennataxaqui qataq ca qarqataxaqui da sheeta.

Jueces 19:18

Nache so leviita 'enapec: Qomye sachegoxosoqta'a ye Belén maye huaigui ye 'alhua Judá, qaq nache saqta'a ye ỹataqta qoỹoqta 'alhua maye huaña aye qasoxonaxapi ye Efraín, maye sootaña. Aỹem sachegoqta'a ye Belén, qaq nagui she'eguelaxa ye naña añi atamnaxaqui maye lalamaqte Ñim Nataxala'. Qalaxaye ne'ena qaica ca sanata da ỹauo'o ca ỹo'ochaqa'.

Jueces 18:31

Qaq somayepi nache neto'ot se'eso nqolac maye lo'onatac co'ollaxa so Micaía, maye netaigui co'ollaxa aso atamnaxaqui maye lalamaqte Ñim Nataxala' maye naña ye Silo.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Josué 9:14

Huaña co'ollaxa nache so Israel le'ecpi ỹasateguet da chec se'eso aloq maye nachetrac soua chegoqtra'a ye Gabaón, qalaxaye saishet da inat co'ollaxa Ñim Nataxala'.

Números 27:5

Nache so Moisés iroua'a Ñim Nataxala', de'era lquiquiaxa'c soomaye,

Jueces 20:17

Qaq so laỹepi Israel le'ecpi nataqa'en laỹona't co'ollaxa so cuatrocientos mil alleppi maye na'atchiguiñi na lo'ogoxonaxat som nache 'eetai' da alaataxaicpi.

Jueces 20:19

Qaq so nte'etom nache so Israel le'ecpi nqo'ona ye saqaỹapeque ye Gabaa, nache ỹa'ayiñi so lpe'lpi.

1 Samuel 10:3

Qaq qom qaltaq qojec, nache da mashe 'avita ara qo'oipaq encina maye naña ye Tabor, nache qaltaq 'anateetegueta caua tres ỹale't maye tairasheguema ye Betel da yaqto' ỹo'oxore'n Ñim Lo'onatac 'Enauacna. Qaq ca 'oonolec caamaye ỹacheta'ape caua tres quetaq, qaq ca lỹa ỹacheta'ape caua tres nauole 'ayiiña, qaq ca lỹa qalaq ỹachetac aca lo'oc huetagui ca lataxa.