Jueces 20:16 - La'aqtaqa Ñim Lo'onatac 'Enauacna 2013

¹⁶ Qaq 'enauac se'eso ỹalleppi, ỹalectaigui so setecientos 'emaqpi maye ỹaỹaten da do'ogoxona na npocnaxanaxat. Qaq somayepi da ira'a na coma' da ipoquen ca 'oonolec qoue, qalaq ỹataqta saishet da npe'en.

Jueces 20:16 Referans Kwoze

Jueces 3:15

qaq so Israel le'ecpi qaltaq ỹe'eguelaxalec da nachoxoreetacot Ñim Nataxala', nache Ñimaye qaltaq huo'o naqa'en so nachaañi da yaqto' nca'alaxatec somayepi. Nache lca'ateua'a som chegoxoguet so maiche lauo' le'ecpi so Benjamín, qaq somaye lo'onataxanaxat na ne'emaq lhuaq, le'enaxat Aod, som llalec so Gera. Qaq huo'o so na'a'q nache so Israel le'ecpi, ỹamaxa so nta'a Eglón aso lsheetenaxanaqte somayepi nache dachoxoolec so Aod.

1 Crónicas 12:2

Qaq se'eso alaataxaicpi ỹachetac so lchecnecpi, qataq nataqa'en ishet da ipocnec na coma' ỹauota'a na lpocnaxanaxat, qataq da ỹaỹenec ana lchecna, da ỹauota'a na lhuaq aloiguishec, huo'otaq na ne'emaq. Qaq 'ena na le'enaxatpi somayepi, som lauo' le'ecpi so Saúl, maye chegoxoguet so Benjamín:

2 Crónicas 26:14

Nache so Uzías ỹo'ot aso mpaqtaxanaqtepi, taquiaxaipi, aro'opi, ntogue lapoqtepi, nchecnecpi, qataq so npocnaxanaxatpi da yaqto' ỹanem 'enauac se'eso alleppi.

1 Samuel 25:29

Qaq da huo'o ca 'am icaatac da huotaique 'am ỹalauat, qaq Ñim Nataxala' npaxattalec qome da 'anachaalataxac. Qaq cam 'am ipa'agueetac, qalaq Ñim Nataxala' ỹasaxauec qome, 'eeta'am naqa'en ca coma' laỹe da qaipocnec.

1 Samuel 17:40

Nache ỹacona so npon, qataq taxaama so la'auaxac, nache ỹaconalo soua cinco coma'yolqa, nache ỹoxochiguilo so loxoiqui maye ỹachetac. Ime nache nasoqta'a so lpocnaxanaxat, nache nqo'ona se'eso filisteo.

Jueces 20:17

Qaq so laỹepi Israel le'ecpi nataqa'en laỹona't co'ollaxa so cuatrocientos mil alleppi maye na'atchiguiñi na lo'ogoxonaxat som nache 'eetai' da alaataxaicpi.